In Moncalieri, molti borghesi del luogo si obbligano in lire 25 segusine ciascuno verso (...)

Serie Generale 225 - Trascrizione a cura di Luca Patria

 

 (ST) Anno Domini millesimo .CCLIII°., inditione .XI ., in ecclesia Sancte Marie de Montecalerio, die martis .X°. intrante februario.

Guillelmus Marcoaldus, Iordanus Platus, Iordanus Piperarius, Çonus de Calpice, Iohannes Truna, Albricus Truna, Mateus Piperatius, Aprilis Longus, Georgius de Romano, Biçius Marcoaldi, Bunivardus, Garçonus Graner, Iacobus Vaginus, Suçius de Romano, Nicholaus Bergognonus, Donatus Engana, Iacobus de Prevost, Petrus Magnanus, Ravetus de Canevis, Bergunçius Sachus, Peracius de Romano, Vitelmus Granerius, Iacobus nepos Biçii Marcoaldi, Iacobus de Trofarello et Pisis, dominus Rufinus de Montafia, Iohannes Recagnascus, Valfredus Calvus, Ubertus Marcoaldus, Fredericus de Calpice, Philipus Dominarum, Bosetus Çandela, Narçoldus, Petrus de Vigna, Maynerius Merllo, Vercel Canis, Iacobus Pixanus, Ubertus Falavisca, Vido Romer, iohannes Binellus, Iacobus de Vayro, Guillelmus de Valle et Nicolaus de Podio, Bovacius Pagla, Spinellus de Laval, Iacobus Pançonus, dominus Maynfredus iudex, Vido de Episcopo, Ubertus Baçellus, Manuellus de Caburreto, Iordanus Magalis, Gavatus, Ubertus Magalis, Melanus Duc, Franchinus de Castro, Iohannes Varnerius, Bernardus Vincentus et Guillelmus Corbarand, omnes suprascripti de Montecalerio quilibet usque in libris .XXV. secusiensium suo nomine et principaliter promisserunt dominis Alexandro et Doniotto stipulantibus se facturos et curaturos cum efectu quod comune Montiscalerii attendet et observabit dictis Alexandri et Doniotto et omnibus ab eis causam habentibus omnia ea que continentur in instrumento eis facto de venditione reddituum sive godiarum sue obligationis molendinorum comunis Montis Calerii scripto per me Bertholotum de Piro infrascriptum notarium sub anno predicto in hoc presenti instrumento et die et hora et eisdem testibus presentibus et solucionem dictam in eodem instrumento librarum mille et quingentum secuxiensium cum pena, dampno, interesse et expensis que fuerint prestanda eidem Alexandro et Doniotto integraliter et si dictum comune predictam solucionem non faceret vel predicta que continentur in iam dicto instrumento non attenderent tunc predicti quilibet usque in libris .XXV. secuxiensium predictam solucionem facerent et predicta actenderent dictis Alexandro et Doniotto cum stipulationem submissam promisserunt et si solucionem predictam non attenderent et inde dicti Alexander e Doniottus dampnum aliquod substinerent et expensas facerent et interesse perderent quacumque occasione illud et illas aisdem Alexandro et Doniotto restituere promisserunt credentes eorum verbo sine sacramento et probacionis defensione qualibet hoc acto expressatim in predicto contractu sollempni stipulatione interveniente quod quilibet de predictis in predictis et dependentis omnibus et singulis possint ubique et sub quolibet iudice conveniri et exigi et inde quilibet predictorum teneatur sub quocumque iudice et ubique respondere et pro hiis omnibus et singulis attendendis et observandis predicti omnes omnia sua bona dictis Alexandro et Doniotto pignori obligaverunt, dantes eisdem Alexandro et Doniotto potestatem ingrediendi et accipiendi possessionem pignoris accipiendi sua eciam inrequisito magistratu vel iudice et ad omnia predicta et singula, renunciantes quilibet eorum fori privilegio et quod non possint dicere sese esse obbligatos sine causa vel iniusta causa vel dolum in predictis intervenisse et omni alii legum auxilio de quo se tueri possent. Hoc actum est expressim in presenti contractu quod facta solucione tocius debiti integraliter secundum pactiones predictas predictis Alexandro et Doniotto vel alicui illorum vel nuncio ad hoc constituto dicti Alexander et Doniottus teneantur reddere instrumentum et instrumenta dicti debiti comuni Montiscalerii retinentes contra predictam formam post solucionem eis factam integram ipsum instrumentum et instrumenta sit cassum et inutile et inutilia et nullius valoris.

Affuerunt rogati testes: Vercellinus, Iacobus de Cario, Beraudotus et Cutella omnes manderii comunis et Petrus et Martinus de Pançeria et Iordanus Campus.

Et ego Bertholotus de Piro palatinus notarius hanc cartam scripssi

(ST) Et ego Petrus Sacharius notarius palatinus hanc cartam in presenti instrumento ad postulationem domini Daniellis de Solario exemplavi et scripssi.