In Vigone, essendo incolpato il Comune moncalierese, ossia certi privati suoi abitanti, di (...)

Trascrizione a cura di Chiara Pilocane e Chiara Quaranta 

Serie Generale 370

(ST) Anno Domini M^oCCC^o, indicione XIII, in castro Vigoni, die IIII mensis marci, presentibus domino Guillelmo de Monbello milite, domino Ottone de Megloreto iudice generali Pedemontis, Amedeo de Bresatore, Iohanne de Camilla, domino Nicholino Ducho iurisperito, domino Gatonio de Romano et Vieto Marcus, testibus ad hoc specialiter vocatis et rogatis. Cum universitas et comune Montis Calerii seu singulares persone ipsius loci inculparentur per illustrem virum dominum Filipum de Sabaudia seu per curiam ipsius, super eo quod dicebantur comisisse et excessum fecisse in comuni vel singularis personis contra Ramacium de Busca et homines suorum et prepositum Luegnasci, quibus interfecerunt boves et frangerunt plastra qui venerant in Monte Calerio, causa deportandi granum predicti domini Filipi venditum eisdem per dominum Guillelmum Guerssum militem, tunc temporis castellanum Montis Calerii, seu per clavarium ipsius domini comitis, facientes iamdicti homines universitatis predicte stremitam et choadunationem cum armis tam contra predictum Ramacium et homines suos quam contra prepositum predictum et contra homines de Savilliano, qui dicebantur eciam emisse de dicto grano proybentes ne dictum granum extrahectur de terra Montis Calerii. Que cum videbantur et dicebantur iamdicto domino Filipo et curia ipsius esse facta in preiudicium ipsius domini Filipi et contra honorem ipsius sive facta fuisset per universitatem predictam vel per singulares personas ipsius loci. Item super eo quod iamdicti homines predicte universitatis inculpabantur rixam habuisse in Pinarolio cum hominibus universitatis Taurini; in qua rixa quamplures homines de Taurino et Monte Calerio vulnerati fuerunt et interfecti, et qua rixa facta fuit in regressu exercitus iamdicti domini Filipi, quod factum fuerit versus terram dalfini. Et de omnibus excessibus factis et comissis per homines universitatis predicte Montis Calerii tempore castellanie iamdicti domini Guillelmi occasione grani predicti domini Filipi contra quamcumque personam vel personas et de omnibus excessibus factis et comisis contra homines Taurini in rixa predicta, prefatus dominus dominus Filipus transegit et concordavit cum comune et universitate predicta Montis Calerii et confessus fuit ad bonam concordiam et transsactionem cum ipsis hominibus et universitate predicta Montis Calerii pervenisse; qui dominus Filipus ex certa scientia et libera voluntate ad requisitionem ambaxatorum Montis Calerii de omnibus predictis excessibus et comissis fecit sic melius potuit mihi Willelmo Longo notario velut publice persone recipienti, nomine comunis et universitatis predicte et omnium singularum personarum dicti loci, quarum interest vel interesse posset pacem et finem et omnimodam absolucionem et pactum ulterius non petendi de omni eo quod, occasionibus supradictis, ab eis vel ab aliquo ipsorum, petere posset vel requirere aliqua occasione, modo vel ingenio. Quam pacem et finem et absolucionem prefatus dominus Filipus promixit mihi predicto notario recipienti et stipulanti, nomine quo supra, ratam et firmam habere perpetuo et non contravenire de iure vel de facto. Pro qua quidem concordia, transsactione ac pace et fine predictus dominus Filipus confessus fuit habuisse et recepisse a predictis hominibus Montis Calerii seu comune libras V centum bonorum viannensium nunc correncium per Montem Calerium, renunciando exceptioni non recepte et numerate pecunie supradicte et spei future numerationis; renunciantes etiam non facte transsactionis ac pacis et finis et non facte stipulacionis et omni iuri et exceptioni quo vel qua contra predicta vel aliquid predictorum venire posset. De quibus omnibus supradictis preceptum fuit mihi notario infrascripto fieri publicum intrumentum unum vel plura si opus fuerit, ad consilium et ditatum domini Nicholini Duchi iurisperiti.

Et ego Guillelmus Longus, sacri palatii notarius, interfui et hanc cartam rogatus scripsi.