In Carmagnola, Ramasio di Busca ed i Sindaci di Moncalieri, Oddonino Merlone e Vieto (...)

Serie Generale 368

(ST) Anno Domini millesimo C^oC^oLXXXXVIIII, indicione XII^a, in Carmagnolia, die ultimo menssis madii. Cum plures iniurie illacte fuissent per homines Montis Challerii, comune vel singulares perssonas, in persona Ramacii de Buscha et in hominibus suis, bobus et rebus predicti Ramacii et hominum suorum et in persona prepossiti Luenastii et rebus hominum suorum et in violencia ex quibus iniuris violenciis iamdicti Ramacius, prepossitus et homines ipsorum amisserunt multos boves, plastra et alia res quamplures, occasione quia granum deportare volebant de Monte Challerio quod dicebatur emisse ab castellano Montis Challerii vel ab aliis diverssis personis, ita quot dicitur granum habere non potuit; qua occassione iamdicti Ramacius et prepossitus et homines sui asserebant se esse lessos et damnificatos in libris CCC viannensium, dictus Ramacius pro se et hominibus suis et pro prepossito supradicto et pro hominibus suis cumvenit et trassaccionem fecit cum hominibus Montis Challerii, videlicet cum Odonino, Merllone et Vieto Marcus, sindicis et procuratoribus Montis Challerii per manum domini marchioni Salucci, qui per concordiam et comuni consessu dictarum parcium dixit quod homines Montis Challeri, pro predictis iniuris, damnis datis, violenciis darent et solverent prefaucto Ramacio, suo nomine et nomine predicto, libras CC viannenses et pro ipsis CC libris esse tacitus et contentus, tam ipse quam prepossitus predictus, et homines suorum de omni iniuria, damno dato et violencia eis data vel faucta per homines Montis Challerii, comune vel singhulares personas. Qui Ramacius et iamdicti sindici et procuratores dictam concordiam aceptaverunt et aprobaverunt, unde dictus Ramacius ex certa sciencia confessus fuit occassione predicta et pro restitucione predicta se habuisse et recepisse, tam suo nomine quam nomine predicto, ab me Thome Marcus notario danti et solventi nomine comunis et hominum Montis Challerii, libras CC bonorum denariorum viannensium, renunciando exceptioni non recepte et non habite pecunie supradicte, et espei future numeracionis. Pro quibus CC libris iamdictus Ramacius, suo nomine et nomine iamdicti prepossiti et hominum suorum Ramacii et prepossiti, fecit pacem, finem et omnimodam absoluccionem et pauctum ulterius non petendo mihi predicto notario vellut plubice[1] perssone recipienti, nomine et vice comunis Montis Challeri, et omnium singularium personarum Montis Challerii de omni violencia, danno dato, iniuria et de omni eo quod petere posset hominibus Montis Challeri, vel alicui ipsorum, occasione predicta vel pro aliqua emcione quam fecisset de predicto grano aliquo modo vel ingenio, ipse Ramacius, prepossitus vel homines supradicti, usque ad odiernam diem; quam pacem et finem et absoluccionem prefauctus Ramacius pro se et nomine predicto promissit mihi, predicto notario recipienti et estipulanti, nomine quo supra, silicet hominum Montis Challeri et omnium singhularum personarum, quorum interest vel interesse posset, ratam et firmam habere et non contravenire de iure vel de faucto, et quod curabit et faciet cum efectu quos iamdictus prepossitus et homines ipsius et prepossitus eam ractam habebunt et de predictis erant taciti et contenti, et hoc sub obligacione omnium bonorum suorum, damnorum et expensarum et interesse restitucione, renunciando exceptioni non faucte predicte convencionis et trassaccionis et non faucte pacis et finis et non faucte promissionis et ne posset dicere ea fecisse sine caussa vel ex iniusta caussa, vel esse circonventus in dicta pace et fine omni iure et expcioni[2], quo vel qua contra predicto venire posset per ipsum vel per aliquam submissam personam seu nomine predictorum; que omnia ad cautelam et maiorem firmitatem prefauctus Ramacius atendere et observare per se, heredes suos tam suo nomine quam nomine predicto, libro corporaliter taucto ad sancta Dei evangelia iuravit. Autum in loco supradicto, ubi dicitur in Gardexana. Testes ibi fuerunt vocati et rogati Dondedeus de Brenecio, Odoninus Merllo, Michelotus Sartor de Cargnano, Facinus Granetus de Carmagnolia, Villelmus de Cortendono, Andreas de Tranavasio et Udinus de Carmagnolia.

Et ego Thomas Marcus, notarius sacri palaccii, interfui vocatus et rogatus et escripssi.