Quitanza di lire viennesi 150, rilasciata da Giovanni Solaro a favore di alcuni borghesi (...)

Trascrizione a cura di Chiara Pilocane e Chiara Quaranta 

Serie Generale 367

(ST) Anno Domini millesimo CCLXXXXVIII, indicione XI^a, in Monte Calerio, die XII mensis februarii. Confessus fuit et contentus manifeste dominus Iorgius de Solario se habuise et recepise a me ipso notario[1] libras CL denariorum bonorum viannensium dante et solvente nomine et vice domini Garonis de Romano, Petri Castagni, Rufini de Cabureto, Vieti Marci, Iacobi de Rocolis, [Berto]loti de Piro, Wilelmi Calvui et Wilelmi Reconi. Quos denarios predicti omnes in solidum confesi fuerunt mutuo ab eodem domino Iorgio habuise ut constat per cartam factam per Nigrum de Gorio notarium in anno Domini M^oCCLXXXXV, indicione VIII, in Monte Calerio, die veneris XVIII marcii, a me ipso notario visa et lecta. Qui prefatus dominus Iorgius per se et suos heredes promixit mihi notario ut publice persone stipulanti et recipienti, nomine et vice omnium et singulorum predictorum debitorum, plenam et integram solucionem et satisfacionem debiti supradicti et quod litem vel controversiam eis vel alicui ipsorum non infere nec inferenti consentire faci, credendo insuper mihi notario stipulanti, nomine quo supra, de dicto debito pacem, finem, refutacionem et omnimodam absolucionem et pactum expresum de ulterius non petendo nec requirendo; et si aliquod instrumentum vel scriptura deinceps reperiretur, sit casum et vanum nulius momenti nec eo uti. Que omnia et singula idem dominus Iorgius promixit mihi notario, nomine quo supra stipulanti et recipienti, atendere et observare et non contravenire sub obligacione omnium bonorum suorum pignori, expensarum, dapnorum et interesse restitucione, inde renuncians non facte confesionis, provixionis, pacis et finis et obligacionis predicte et omni exceptioni doli, mali et in factum sine causa vel ex iniusta causa, et omni allii placiti et legum ausilio et exceptioni non numerate et non recepte pecunie et spey future numeracionis et receptionis; inde precipiens mihi notario facere plura instrumenta tenoris eiusdem.

Testes ibi vocati et rogati Matheus Piperarius, Facius Platus, Iacobus Marcus et Iacobus de Disperio.

Et ego Iacobus Duch, sacri palacii notarius, hanc cartam rogatus scripsi.