Costituzione di Gaspare Detano in procuratore degli eredi di Antonio, detto Pocamot, a (...)

Trascrizione a cura di Chiara Pilocane e Chiara Quaranta 

Serie Generale 366

(ST) Anno dominice nativitatis millesimo C^oC nonagesimo VIII^o, XI^a indicione, die XI^o menssis februarii, coram me notario et testibus infrascriptis. Perotus Sartor civis Taurini, heres Anthonii qui dicebatur Pocamor eius condam filii, constituit Caspardum Sili de Taurino, presentem et mandari recipientem, suum procuratorem ad recipiendum, nomine ipsius Peroti procuratorio, solucionem debitorum infrascriptorum et a debitoribus infrascriptis debita infrascripta et ad faciendum confessionem ipsis debitoribus de recepcione et satisfacione integra ipsorum debitorum, atque pacem et finem et pactum de non petendo ulterius de ipsis debitis et ad redendum instrumenta ipsorum debitorum eisdem debitoribus et ad faciendum omne aliud et quicquid ipse Perotus in predictis[1] et pro predictis facere posset nomine quo supra. Nomina predictorum debitorum sunt hec: primo Berthol[otus] de Piro, Matheus Punciolonus, Iacobus de Rocollis, presbiter Cavallus de Novo habitator Montis Calerii, qui dare tenebantur ex causa mutui predicto Anthonio libras XXXVII bonorum denariorum viannensium, unde est instrumentum factum per Anthonium Grassum notarium anno Domini M^oCC^oLXXXXV, indicione VIII^a, die dominico XVIII menssis septembris. Item Bert(i)nus Platus, Petrus de Conrado, Upertus Marcoardus, Daniel de Solario, Guillelmus Longus, Iacobus de Rocollis, Ardicio Frexus et Bertholotus de Piro de Monte Calerio, qui et quibus eos in solidum dare et solvere tenebantur predicto Anthonio ex causa mutui libras XXXVII et solidos X bonorum viannensium, unde est instrumentum factum per Nigrum de Gorio notarium anno Domini M^oCC^o nonagesimoquinto, inditione VIIII, die lune ultimo mensis ianuarii. Item Villelmus de Peracio Cramol, Petrus Duchus et unus ex Calvis de Monte Calerio qui dare et solvere tenebantur predicto Peroto libras XX viannensium, de quibus est instrumentum factum ut dicitur per Michaelem de Episcopo notarium anno Domini M^oCC^oLXXXXVII, die XXVI mensis madii, promitens dictus Perotus Sartor suo proprio nomine et heres predicti Anthonii filii condam sui mihi notario infrascripto, ut publice persone stipulanti et recipienti, nomine predictorum debitorum et omnium quorum interest vel interesse potuerit, habere ratum et firmum quicquid per ipsum procuratorem, nomine quo supra, factum fuerit sive gestum in predictis et circa predicta, sub obligacione omnium bonorum suorum, dapni, expensarum et interesse restitucione, unde plures carte.

Actum Taurini in domo domini Ruphini Borgessi, presentes ibi fuerunt ipse dominus Ruphinus, Boneffacius et Manffredus Arperni testes vocati et rogati solempniter ad predicta.

Et ego Robaudinus de Scarta notarius auctoritate inperialli hiis interffui et hanc cartam scripssi rogatus et tradidi.