Mutuo di lire 18 viennesi dato da Uberteto Duc a favore di alcuni suoi concittadini (26 (...)

Trascrizione a cura di Chiara Pilocane e Chiara Quaranta 

Serie Generale 364 

(ST) Anno Domini millesimo CCLXXXXVII, indicione X^a, in Monte Calerio, die XXVI mensis augusti. Confessi fuerunt quilibet eorum in solidum Iacobus Vitonus, Iohannotus filius quondam Iacobi Garbugli et Iacobus de Maugino sese mutuo accepisse ab Ubertoto Ducco presente et recepisse libras XVIII bonorum denariorum viannensium, renunciante exceptioni non numerate et non accepte pecunie et spei future receptione et numeratione. Quos denarios eidem creditori vel eius certo nuncio per stipulationem dare et solvere promiserunt in pecunia numerata in pace et sine ulla libelli petitione atque dilatione usque ad VIIII annum proxime venientem et conpletam cum omni mutuo, dampno, expensis et interesse que et quas dictus creditor fecerit seu passus fuerit termino in antea eundo, can(…)do mutuo ususis alteri dando seu quelibet alio modo pro dictis denariis exigendis et recuperandis, de quibus promiserunt eidem credere in suo simplice verbo sine testibus et iuramento omnia eorum bona eidem creditori magis grata inde pignori obligo usque ad plenam et integram ut supra dicitur solucionem sateffactionem. Que bona dicti debitores constituerunt sese tenere et possidere pro predicto creditore et eius nomine donec in corporalem apprehendit possessionem, quam eidem apprehendere concesserunt tunc voluerint propria auctoritate termino in antea, renunciando inde dicti debitores omni placito omnique legum auxilio et nove constitutione de pluribus reis debendi et omni alii iuri fideiussorio et cetera.

Testes ibi fuerunt rogati et vocati Bertolotus de Piro, Vietus Leyra et Iorgius de Nasset[…].

Ego Iacobus Campagninus sacri palacii notarius interfui et hanc cartam rogatus scripsi.