Mutuo di 30 lire dato da Uberteto Duc di Moncalieri ad alcuni suoi concittadini (30 (...)

Trascrizione a cura di Chiara Pilocane e Chiara Quaranta 

Serie Generale 363

(ST) Anno Domini millesimo CCLXXXXVII, indicione X, in Monte Calerio, die secundo exeunte iulio. Confessi fuerunt quisque eorum in solidum Galvagnus de Solario et Oddoninus Merlo et Peronus Barberius sese mutuo accepisse ab Ober[toto] Ducho libras triginta bonorum viannensium, renunciando exceptioni non recepte et non numerate pecunie et spei future numeracionis. Quos denarios ei vel suo certo misso per stipulancionem solvere promisserunt usque ad Sanctum Michaelem proxime venturum; et si tunc non solverint omne mutui dapnum, expensas et interesse inde facte vel factis, in iudicio vel extra, ei in integrum restituere promisserunt, credendo ei de omnibus et singulis in eius simplici verbo sine omni proba et sacramento. Et inde dicti debittores sese et omnia eorum bona ipso creditori pignori obligaverunt ei magis gratia usque ad plenam et integram, ut superius legitur, solucionem; que pignora predicti debittores constituerunt sese possidere nomine dicti Obertoti donec corporalem apprehenderit possessionem, quam liceat ei ingredi et apprehendere cum voluerit, auctoritate propria, renunciando nove constitucioni, epistule divi Adriani et omni legum et canonum auxilio.

Testes ibi fuerunt vocati et rogati Manoel Mayalis, Lantelmetus Rinayrol et Petrus Marcus.

Ego Matheus Piperarius, notarius sacri palatii, hiis interfui et hanc cartam rogatus ut supra scripsi.