Mutuo di 30 lire viennesi dato da Musso Pallido a favore di alcuni Moncalieresi (6 (...)

Serie Generale 362

(ST) Anno Domini millesimo decentessimo nonagesimo VII, indicione X^a, in Monte Calerio, die VI in mense madio, coram testibus infrascriptis. Confessi et contenti fuerunt ita quod ubicumque conveniri possint et teneantur quilibet eorum in solidum dominus Petrus de Episcopo, Wilelmetus de Peracio, Rufinus de Cabureto, Iacobus de Rocolis, Willelmus Castagnus, Anthonius de Lagura, Catanius de Vayrolius et Wilelmonus Maialis sese mutuo accepisse a domino Musso Palio libras XXX bonorum denariorum viannensium, renunciando exceptioni non habite et non recepte pecunie. Quos denarios dicti debitores eidem creditori vel suo certo misso per stipulacionem dare et solvere promixerunt usque ad medium augusti proxime venturum. Et si tunc non soluerint de inde in anthea, cum omni dapno, mutuo et expensis et interesse inde factis vel faciendis a creditore heundo, reddeundo, placitum, mutuum, usuras alteri dando seu quolibet alio modo ei per stipulacionem restituere promixer(un)t, bona fide credendo inde ei in suo simplici verbo sine testibus et sacramento, obligando inde dicti debitores eidem creditori vel sub omnia eorum bona pignori habenda et que magis ei placuerit, donec de predictis denariis plenam et integram, ut supra dicitur, habeat solucionem, [con]fitent[es] dicti octo in presencia domini castellani videlicet Guillelmi Guersii militis dictos denarios fore conversos in utilitatem comunis Montis Calerii et specialier in opere batendariorum et paratorum, renunciando inde omni placito nove constitutionis de pluribis reis debendi omnique legum auxilio et omnibus aliis iuribus, rationibus vel defensionibus quibus mediante se tueri vel contravenire possent.

Testes ibi fuerunt vocati et rogati dominus Guiglelmus Guersius miles castellanus Montis Calerii, Iohannes de Rozamonto et Aymo Rafanellus. Et ego Viotus Punzillonus notarius sacri palacii interfui rogatus et hanc cartam scripsi.