Riconoscimento di debito di 75 lire viennesi da parte di alcuni borghesi di Moncalieri, (...)

Trascrizione a cura di Chiara Pilocane e Chiara Quaranta 

Serie Generale 360

(ST) Anno Domini millesimo CC° LXXXXVI, indicione VIIII, in Monte Calerio, die VIIII intrante aprili. Confessi fuerunt quilibet eorum in solidum dominus Petrus de Episcopo, Daniellus de Solario, Willelmus Calvus, Bertazius Ramellus, Petrus de Conrado, Iacobus Capriolus de Marchoaudis, Bertinus Platus et Rofinus de Caburreto sese causa mutuo debere dare Galvagno de Solario, recipienti vice et nomine Dumoti de Solario fratri sui, libras LXXV bonorum denariorum viannensium, renunciando exceptioni non recepte et non numerate pecunie et spey future numerationis et receptionis, quos denarios eidem creditori dicto nomine quilibet eorum in solidum per stipulacionem dare et solvere promiserunt in pecunia numerata seu suo certo miso usque ad sex menses proxime venientes. Et, si tunc non solverint, promiserunt ei dicto nomine restituere omne mutuum, dampna, expensas et interesse quilibet eorum in solidum que et quas dictus creditor nomine dicto fecerit vel passus fuerit pro predictis denariis exigendis et recuperandis mutuando placitando, eundo, reddendo, stando usuras, alteri dando seu quolibet alio modo credentes ei inde nomine quo supra in eius verbo sine testibus et sacramento sub obligo omnium bonorum suorum, mobilium et immobilium, presencium et futurum, eidem creditori magis gratorum usque ad plenam et integram ut supra legitur solucionem et restitucionem, renunciando inde omni placito, nove constitucioni de pluribus reis debendi, fori privilegio, tali modo quod quilibet predictorum debitorum possit conveniri in solidum sub quolibet rectore, tam ecclesiastico quam seculari, et omni alii legi et iuri qua vel qua contra predicta vel aliquis predictorum possent facere vel venire, non obstante aliquo capitulo Montis Calerii omnique legum auxilio. Et hoc instrumentum possit meliorari, refici et emendari conscilio unius vel plurium si a piis fuerit sapientium, salva tamen contractus substancia; insuper predicti debitores constituerunt omnia et singula eorum bona possidere nomine ipsius Galvagnus possidentis nomine iamdicto domino ei solverint denarios supradictos.

Testes ibi fuerunt vocati et rogati Vietus Marchoaudus et Willelmus Castagnus et Willelmonus Maialis.

Et ego Marchiotus de Rocolis sacri palacii notarius interfui et hanc cartam rogatus scripsi.