Mutuo di lire 7 viennesi dato da Rolfino Solaro a favore di alcuni particolari di (...)

Serie Generale 359

(ST) Anno Domini millesimo C^o C^o LXXXXVI, indicione VIIII, in Monte Calerio, die VIIII mensis aprilis. Confessi fuerunt quilibet eorum in solidum dominus Petrus Falavisca, Rufinetus de Solario, Oddoninus Merllo, Willelmonus Maylius et Vietus Marcus sese mutuo acepisse a Rulfino de Solario libras VII viannensium, renunciando exceptioni non recepte et non numerate pecunie. Quos denarios ei vel suo certo misso dare et solvere pro stipulacionem promiserunt usque ad VI menses promixe venientes, omni[1] dapno mutui et expensis factis et faciendis de termino in antea pro predictis denariis exigendis et recuperandis, eundo, redeundo et placitando, usuras alteri dando seu quolibet alio modo, credendo ei in suo verbo sine testibus et sacramento, obligando omnia eorum bona habita et habenda, que sibi magis placuerint usque ad plenam et integram solucionem, renunciando omni placito nove constitucionis de pluribus reis debendi et omni legum auxilio.

Testes ibi fuerunt vocati et rogati dominus Hugo de Podio Gancerio castellanus Montis Calerii et Niger de Hugone Petro. Et ego Guido Marcoaldus, notarius sacri palatii, interfui rogatus scripssi.