In Candiolo, nella Casa dell'Ospedale di S. Giovanni di Gerusalemme, Manuele di Cavoretto (...)

Serie Generale 358

(ST) Anno Domini millesimo duccentesimo nonagesimo VI, indicione nona, die veneris VI aprillis. Actum in Candiolio in domo hospitalis Sancti Iohannis Ierosolimitani, testibus rogatis et vocatis Facino de Poglono et clerico Candiolii. In quorum presencia dominus Manuelus de Cabureto de Monte Calerio pro remedio anime sue et parentum suorum dedit, tradidit et donavit publice, libere, simpliciter et inrevocabiliter inter vivos iure proprio in perpetuum domino fratri Martino de Sancto Staphano priori Sancte Domus hospitalis Sancti Iohannis Ierosolimitani prioratus Lombardie, nomine et vice dicti hospitalis et specialiter nomine et vice illius domus, quam habet dictum hospitale in Monte Calerio recipienti, peciam unam terre cultive que est circa XVI iornatas que iacet in fine Montis Calerii ubi dicitur Paudus mortacius, cui coherent Petrus Layrata, Romagnani Casalini et via, ad habendum, tenendum, posidendum et quicquid dicto hospitali deinceps placuerit perpetuo faciendum, cum omnibus et singulis habitis super se vel in se vel inter se in integrum, cumque iure et actione, ussu seu requisicione sibi ex ea re aut ipsi rei modo aliquo pertinenti et cum omnibus et singulis que in predictos continentur confines vel alios, si qui forent accesibus et egresibus suis usque in viam publicam. Quam rem dictus donator se nomine dicti hospitalis constituit posidere donec dictum hospitale aut alter pro eo possessionem ipsius rei auceperit corporalem, quam aucipiendi sua auctoritate et retinendi deinceps eidem domino prioris nomine licenciam omnimodam dedit, promitens per se suosque heredes dicto domino fratri Martino stipulanti et recipienti, nomine dicti hospitalis et pro ipso hospitali dictam terram dicto hospitali ab omni homine et universitate legitime defendere, auctorizare et disbrigare. Et predictam donationem et omnia et singula suprascripta perpetuo firmam et ratam hac firma et rata habere et tenere et non contrafacere vel venire per se vel per alium aliqua ractione vel causa, de iure vel de facto, nec ipsam donationem ingratitudine vel causa aliqua revocare, sub refectione dapnorum et expensarum litis et extra pro quibus omnibus observandis, obligando dicto domino priori recipienti nomine quo supra omnia sua bona, renunciando condicioni sine causa vel ex iniusta causa, exceptioni doli, mali et in factum, privillegio fori et omni alii exceptioni et iuri. Et inde cartam fieri rogaverit.

Et ego Henricus Pastor de Sancto Stephano imperiali auctoritate notarius is (sic) omnibus interfui et rogatus scripssi.