Mutuo di lire 37 dato da Antonio Sartore, di Torino, a favore di Moncalierisi, presente il (...)

Serie Generale 357

(ST) Anno dominice nativitatis millesimo ducenteximo nonagesimo quinto, indicione VIII^a, in Monte Callerio, die dominico XVIII mensis septembris, presentibus domino Beloculo de Beloculis iudice Montis Calerii necnon Nigro de Gorio et Anthonio Mardeis testibus presentibus vocatis et rogatis. Bertolotus de Piro de Monte Callerio necnon Mateus Pongillonus, Iacobus de Rocolis, presbiter Cavallus de Novo habitator loci eiusdem Mon(tis Calerii) in solidum promiserunt per stipulationem sub omnium bonorum suorum obligacione et sub dapnorum, expensarum et interesse restitucione ita quod ubique eorum quilibet in solidum teneantur et conveniri possint, renunciando privilegio fori et omni iuri sibi in hoc conpetenti, quod dabunt et solvent in pace et sine placito vel petitione libelli Anthonio filio Peroti Sartoris vel suo certo misso in pecunia numerata in Taurino et ad suam voluntatem libras XXXVII bonorum denariorum viannensium. Quos denarios dicti debitores ab ipso creditore habuisse et recepisse causa mutui de pura sorte confessi fuerunt, renunciando exceptioni non habite et non recepte et numerate pecunie et omni spei future et nove constitutionis de fideiussoris et omnibus aliis exceptionibus, iuribus et rationibus, quibus mediantibus possent contra predicta facere vel venire de iure vel de facto, per se vel per aliam sibi submissam personam et sicut superius legitur Anthonius mandatarius eis iubentibus et precipientibus et in ipsorum animas iuravit ad sancta Dei evangelia adttendere et observare predicta et vera esse sicut superius dicta sunt. Auctum est hoc in Monte Callerio; interfuerunt testes ut supra. Et ego Anthonius Grossi notarius predictis interfui et hanc cartam rogatus scripsi[1].