Mutuo di 150 lire viennesi dato da Giacomino Solaro a favore di alcuni moncalieresi (18 (...)

Trascrizione a cura di Chiara Pilocane e Chiara Quaranta 

Serie Generale 356

(ST) Anno domini millesimo ducentesimo LXXXX^oV, indictione VIII, in Monte Calerio, die veneris XVIII in marcio. Fuerunt confessi et contenti quisque eorum in solidum, ita quod ubique teneantur et convenire possent dominus (…)nus de Romano, Petrus Castagnus, Ruffinus de Cabureto, Vietus Marcus, Iacobus de Rocolis, Bertolotus de Piro, Willelmus Calvus et Willelmus Vezonus sese mutuo accepisse et habuisse a domino Iorgio de Solario libras CL bonorum denariorum viannensium, renunciando exceptioni non recepte et non numerate pecunie et spey future receptionis et renunciationis. Quos denarios predicti debitores eidem creditori vel suo certo misso per stipulacionem dare et solvere promisserunt quilibet eorum in solidum, usque ad sex menses proximos venientes, cum omni mutuo, dapno et expensis et interesse inde factis a dicto creditore pro predictis denariis exigendis er recuperandis termino in antea, credendo ei inde in eius solo verbo, sine testibus et sacramento. Et inde dicti debitores quilibet eorum in solidum se et omnia eorum bona eidem creditori pignori obligo habita et habenda que sibi magis placuerit usque ad plenam et integram ut supra dicitur solucione, renunciando inde dicti debitores omni placito, nove constitucioni de pluribus reis debendi et fori privilegio et  omnique (sic) legum et iu(ri)s auxilio que vel qua contra predicta venire vel se tueri possent et cetera.

Testes ibi fuerunt vocati et rogati Anthonius Nasellis, Bonetus Cozollus et Pepinus (…)eganus nuncii comunis.

Et ego Nigrus de Gorio sacri palazii notarius interfui vocatus et hanc cartam rogatus scripsi.