Mutuo di lire 37 viennesi dato da Antonio del fu Perato Sartoris di Torino a favore di (...)

Trascrizione a cura di Chiara Pilocane e Chiara Quaranta 

Serie Generale 355

(ST) Anno Domini millesimo ducentesimo LXXX^oXV, indicione VIII, in Monte Calerio, in porticu comunis ubi ius redditur, die lune ultimo exeunte mensis ianuarii. Fuerunt confessi et contenti quisque eorum in solidum ita quod ubique teneantur et conveniri possint Bertinus Platus, Petrus de Conrado, Vietus Marcus, Daniellus de Solario, Willelmus Longus, Iacobus de Rocolis, Ardicio Frexius et Bertolotus de Piro sese mutuo accepisse et habuisse a me Nigro notario infrascripto, dante et prestante, nomine et vice Anthonii filii Peroti Sartoris de Taurino, libras XXXVII solidos X bonorum denariorim viannensium, renunciando exceptioni non recepte et non numerate pecunie et spey future numeracionis et recepcionis; quos denarios mihi notario dicto nomine recipienti et estipulanti vel eius certo misso per stipulacionem dare et solvere promisserunt dicti debitores quilibet eorum in solidum usque ad medium augusti proxime venturum, cum omni mutuo, dapno et expensis et interesse inde factis a dicto creditore pro predictis denariis exigendis et recuperandis termino in antea, credendo ei inde in eius solo verbo sine testibus et sacramento et inde dicti debitores quilibet eorum in solidum se et omnia eorum bonorum mihi notario infrascripto recipienti et stipulanti, nomine dicti Anthonii, pignori obligando, habita et habenda que sibi magis placuerit usque ad plenam et integram, ut supra dicitur, solucionem, renunciando inde dicti debitores omni placito nove constitucionis de pluribus reis debendi omnique legum auxilio, quo vel contravenire vel se tueri posset. Et hoc instrumentum et preceptum est[1] mihi notario infrascripto fieri et emendari si opus fuerit ad consilium unius sapientis.

Testes ibi fuerunt vocati et rogati Matheus Piperarius, Melanus Punzillonus et Anthonius de Lagura.

Ego Niger de Gorio sacri palacii notarius interfui vocatus et hanc cartam scripsi.