In Moncalieri, concessione di mutuo di 7 lire viennesi da Uberto di Castellinaldo a favore (...)

Serie Generale 353

(ST) Anno Domini millesimo CCLXXXXIIII, indicione VII, in Monte Calerio sub porticu in quo moratus iamscriptus dominus iudex, die sabati V° mensis iunii, in presencia Bertolini Panicerie et Peryni de Lavita ad hoc vocatis et rogatis testibus, dominus Beloculus de Belloculus iudex Montis Calerii ad instanciam et requisicionem Bertini et Henricoti filii domini Oberti de Castello Mando condam precepit mihi notario infrascripto quod eis reficere quodam instrumentum scriptum per me ipsum notarium continencie infrascripte qui Bertinus et Henricotus coram eorum iudice et me notario et supradictis testibus ad sancta Dei evangelia iuraverunt ipsum instrumentum sine dolo et fraude perdidise et quod ipsis nullam solucionem aut satisfacionem habuentur, quod illud instrumentum si ad manus eorum pervenerit mihi notario redent et restituerent et quod de alltero ipsorum instrumentorum non utetur nec de uno ut debet. Tenore cuius instrumenti talis est. Anno Domini millesimo CCLXXXXII, indicione V^a, in Monte Calerio, die iovis XXI februari. Confessi fuerunt quilibet eorum in solidum dominus Nicholaus Duchus, Manoellus de Caburreto, Petrus Castagnus, Iacobus Capriolius, Wetus de Peracio Ardicio Vasconus, Fredericus Calvus et Magrus Robus de Laude sese mutuo habuisse et recepisse a domino Oberto de Castello Mando libras septem denariorum bonorum[1] viannensium, exceptioni non numerate et non recepte pecunie omnino renunciantes; quos denarios ei creditori stipulanti vel suo certo misso id ad Pasca, Pendecostem proxime venientes dare et solvere promixerunt cum expensis, dampno et interesse ab eo factis vel pasis predictis denariis recuperandis vel exigendis in iudicio vel extra de quibus ei credatur in (suo) verbo, sui testibus et sacramento obligo de eidem omnia eorum bona plus grata in solidum pignori habita et habenda, renunciando novorum constitucionum beneficio omni allii placito et legum ausilio. Testes ibi vocati et rogati fuerunt Melanus Pungillonus, Cul(i)nus Ramacius et Winonus Maialus.

Et ego Iacobus Duchus sacri palacii notarius hoc instrumentum quod alia vice eidem creditori tradidi iterum de mandato dicti iudici ex abreviamento cancelato refeci et scripsi et exeplavi et eis creditoribus tradidi et dedi michi a[…] vel diminuto sensum vel significationem mutatem.