Mutuo di 78 lire viennesi dato da Giacomino del fu Martino di Calpice a favore di alcuni (...)

Trascrizione a cura di Chiara Pilocane e Chiara Quaranta 

Serie Generale 351

(ST) Anno Domini millesimo ducentesimo LX^oXX^oXIIII, indicione VII^a, in Monte Calerio, die martis secundo exeunte mensis decembri. Fuerunt confessi et contenti quisque eorum in solidum dominus Garonus de Romano, Bertinus Platus, Vietus Marcus, Daniellus de Solario, Willelmus Longus, Bufetus Vasconus, Iacobus Campagnus et Anthonius de Lagura sese mutuo accepisse et habuisse a Iacobino filio quondam Maugini de Calpice libras LXXVIII bonorum denariorum viannensium, renunciando exceptioni non recepte et non numerate pecunie quos domini eidem creditori vel suo certo misso per stipulacionem dare et solvere promisserunt quilibet eorum in solidum usque ad medium augusti proxime venientem cum omni mutuo, dapno, expensis et interesse inde factis a dicto creditore quod dictis domini exigendis et recuperandis termino in antea credendo ei in solo verbo sine testibus et sacramento. Et inde dicti debitores quilibet eorum in solidum eidem creditori omnia eorum bona pignori obrigaverint habita et habenda, que sibi magis placuerit usque ad plenam et integram ut supra dicitur solucionem, renunciando inde dicti debitores omni placito et nove constitucione de pluribus reis debendi et omnique legum et iuris auxilio quo vel qua contra predictos venire vel se iuvare possent.

Testes ibi fuerunt vocati et rogati Cilius Platus, Iacobus Crapiolius et Bertelotus de Piro.

Ego Nigrus de Gorio sacri palacii notarius interfui vocatus et hanc cartam rogatus scripsi.