Mutuo di lire 9 viennesi dato da Dinoto di Castellinaldo, a nome suo e di Musso Pallido e (...)

Serie Generale 350

(ST) Anno Domini millesimo CCLXXXXIII, indicione sexsta, in Monte Calerio, die XXIII in Iulio. Confessi fuerunt quilibet eorum in solidum Petrus Castagnus et Bertinus Platus et Iacobus Capriolus et Cataneus Vairolius et Bertolotus de Piro et Willelmus Longus et dominus Georgius de Solario se mutuo accepisse a Wilelmoto de Castro Aynaldo recipienti nomine suo et nomine domini Mussi Palidi et domini Maynfredi de Castro Aynaldo libras VIIII bonorum denariorum viannensium, renunciando exceptioni non recepte et non numerate pecunie; quos denarios eidem creditori vel suo certo misso dicto nomine per stipulacionem dare et solvere promiserunt in pecunia numerata usque ad Sanctum Michaelem proxime venturum. Et si tunc non solverint promiserunt eidem, nomine quo supra, restituere omne mutuum, dapnum et expensas, quos et quas dictus creditor, nomine quo supra, fecerit vel passus fuerit pro dictis denariis exigendis et recuperandis mutui, placiti usuras alteri dando seu quolibet alio modo, credentes eidem dicto nomine in suo verbo sine testibus et sacramento, omnia bona eorum eidem creditori dicto nomine magis gratia in pignori obligando usque ad integram solucionem, renunciando inde omni placito nove constitucionis de pluribus reis debendi omnique legum auxilio. Testes ibi fuerunt vocati et rogati dominus Martinus Roborus iudex et dominus marchisius iudex.

Et ego Iacobus de Rocolis sacri palazi notarius interfui et rogatus scripsi.