Mutuo di lire 12 viennesi dato da Galvagno Solaro a favore di alcuni borghesi di (...)

Trascrizione a cura di Chiara Pilocane e Chiara Quaranta 

Serie Generale 349

(ST) Anno Domini millesimo CCLXXXXIII, indicione VI^a, in Monte Calerio, die dominico XIIII iunii. Confessi fuerunt quilibet eorum in solidum Petrus Castagnus, Iacobus Capriolus, Bertolotus de Piro, Willelmetus de Peracio et Matheus Ponzillonus se mutuo accepisse a Galvagno de Solario libras duodecim bonorum denariorum viannensium, renunciando exceptioni non numerate et non accepte peccunie et spei future receptionis et numerationis; quos denarios eidem creditori vel eius certo nuncio per stipulacionem dare et solvere promiserunt quilibet in solidum, in pace et sine ulla dilatione et libelli petitione in pecunia numerata usque ad festum Sancti Michaellis proxime venturum, cum omni mutuo, dapno, expensis et interesse, quos et quas dictus creditor fecerit seu passus fuerit termino in antea eundo, ca(...)ndo mutuum, usuras alteri dando seu quolibet alio modo pro dictis denariis exigendis et recuperandis, credendo inde eidem creditori in suo verbo sine testibus et iuramento, omnia eorum bona dicti debitores eidem creditori magis gratia inde pignori obligando usque ad integram, ut supra dicitur, solucionem, renunciando inde dicti debitores omni placito omnique legum auxilio et nove constitucioni de pluribus reis debendi et cetera.

Testes ibi fuerunt rogati dominus Vido de Castro Aynaldo et Wilelmonus Mayalis.

Et ego Iacobus Campagninus, sacri palatii notarius, interfui et hanc cartam rogatus scripsi.