Mutuo di lire 120 viennesi dato da Uberteto Duc a favore di alcuni borghesi di Moncalieri (...)

Serie Generale 345

(ST) Anno Domini millesimo CCLXXXXI, indicione quarta, in Monte Calerio, die dominico quarto mensis februari. Confessi fuerunt quilibet eorum in solidum dominus Manuellus de Cabureto, Petrus Castagnus, Bertinus Platus, dominus G(eorgius) de Solario, Vietus Marcoaldus, Bertoglus Zandela, Ardicio Vasconus, Bertinus de Ramacio, Ubertus Toffangius, Anthonius de Gurra et Rodulfus Baravaius se mutuo accepisse ab Ubertoto Duccho libras CXX bonorum denariorum viannensium [...], renunciando exceptioni non numerate et non accepte pecunie, et spei future receptionis et numerationis; et quos denarios eidem creditori quilibet in solidum dare et solvere promiserunt in pecunia numerata in pace et sine ulla dilatione et libelli seu petitionis porrectione usque ad festum Sancti Martini proxime venturum cum omni mutuo, dampno, expensis et interesse, quo et quas dictus creditor fecerit seu passus fuerit termino in antea eundo [..] mutui usuras alteri dando seu quolibet (a)lio (modo) pro predictis denariis exigendis et recuperandis, de quibus omnibus promiserunt ei credere in suo verbo sine omni proba et iuramento et omnia eorum bona eidem creditori magis gratia in pignori obligando usque ad plenam et integram, ut supra dicitur, solucionem dapni et expensarum ac interesse; item renunciando ipsi debitores omni placito omnique legum auxilio et nove constitucionis de pluribus reis debendi. Testes ibi fuerunt rogati dominus Martinus Caburetus, Franciscus Lafrancus et Bonetus Cozolis et Antonius Bergognonus. Ego Iacobus Campagninus, sacri palacii notarius, interfui et hanc cartam rogatus scripsi.