Mutuo di lire 45 viennesi dato da Manuele del fu Centonino Frexio o Fresio, di Chieri, a (...)

Trascrizione a cura di Chiara Pilocane e Chiara Quaranta 

Serie Generale 344 

(ST) Anno Domini millesimo CCLXXXX, indicione tertia, in Monte Calerio, die veneris XXVI in madio. Confessi fuerunt quilibet eorum in solidum Petrus Castagnus et Bertolinus Platus et Facius Platus et Willelmus Mayalis et Vietus Marcoaldus et Rufinus de Caburreto et dominus Nicholinus Ducus et dominus Petrus de Episcopo et Matheus Terragnus et Petrus Zarayta et Willelmus Longus et Iordanus Varnerius, omnes de Monte Calerio se mutuo habuisse et recepisse a Manoello Frexio, filio condam domini Centorini Frexii de Cario, libras XLV bonorum denariorum viannensium, renunciando exceptioni non recepte et non numerate pecunie et spey future numerationis et receptionis; quos denarios predicti debitores quilibet eorum in solidum promisserunt per stipulacionem ipsi creditori dare et solvere vel suo certo misso usque ad exitum menxis iulii proxime venturum. Et si tunc non solverint promisserunt ei restituere omne mutuum, dapnum, expensas et interesse, quos et quas dictus creditor termino in antea fecerit vel passus fuerit pro dictis denariis exigendis et recuperandis, mutuando placitum usuras alteri dando, eundo, redeundo seu quolibet alio modo, credentes ei inde in suo verbo sine testibus et sacramento, omnia bona eorum eidem creditori magis gratia inde pignori obligando usque ad integram solucionem ita quod ubique conveniri possint, renunciando inde omni placito nove constitucioni de pluribus reis debendi, fori privilegio et legis auxilio.

Testes ibi fuerunt vocati et rogati Iohannes de Canalis et Salvagius Vitonus et Iohannes Niola.

Et ego Iacobus de Rocolis, sacri palazii notarius, interfui et rogatus hanc cartam scripsi.