Mutuo di lire 100 viennesi dato da Galvagno, figlio di Raimondo Solaro, a favore del (...)

Trascrizione a cura di Chiara Pilocane e Chiara Quaranta 

Serie Generale 343

(ST) Anno Domini M^oCCLXXXX, indicione tercia, in Monte Calerio, die mercurii X mensis madii. Confessi fuerunt quilibet eorum in solidum Petrus Castagnus, Bertinus Platus, Bertinus de Sucio, Iacobus Capriolius, Rufinus de Cabureto, dominus et Fichus Duchus, Bertolotus de Piro, Iohannes Saxus, Willelmus Vayrolius, Bertinus de Ramacio, Bertazius Ramellus, Guillelmus Vegonus, Guillelmus Calvus et Matheus Ponzillonus, omnes de Monte Calerio, sese mutuo accepisse in pecunia numerata a Galvagno filio domini Raynerii de Solario libras centum bonorum denariorum viannensium, renunciando exceptioni non recepte et numerate pecunie et spei future receptionis et numerationis et omni alii exceptioni, qua mediante se tueri vel contravenire possent. Quos denarios dicti debitores per stipulacionem dare et solvere promiserunt dicto Galvagno vel eius certo misso in pecunia numerata usque ad duos menses proxime venturos cum omni mutuo et expensis inde factis a creditore vel dapno recepto pro predictis denariis exigendis seu recuperandis in iudicio vel extra, totum ipsi creditori restituere promiserunt et de hiis credere in eius verbo sine testibus et sacramento; et inde dicti debitores obligaverunt ipsi creditori omnia eorum bona pignori habita et habenda que sibi magis placuerint, usque ad plenam et integram ut supra dicitur solucionem, ita tamen quod usque teneantur et conveniri possint, renunciando omni placito et nove constitucioni de pluribus reis debendi, fori privilegio et omni legi et statuto facto vel faciendo quo vel qua se tueri vel contravenire possent.

Testes ibi fuerunt vocati et rogati Iacobus Canpagnus, Vietus Marcus, Willelmonus Maialis et Franciscus Lafrancus.

Et ego Guillelmus Longus, sacri palacii notarius, interfui et hanc cartam rogatus scripsi.