Nella Credenza Generale di Moncalieri il giudice Tomaso Zavataro deputa Pietro Castagno, (...)

Serie Generale 342

(ST) Anno Domini millesimo ducentesimo LXXXX, inicione III, in Monte Calerio, die veneris XIIII mensis aprili. Dominus Thoma de Zavataris iudex comunis Montis Calerii in pleno et generali consilio more soluto[1] congregato per sonum campane et per vocem preconis et homines consiliarii dicti loci. Homines in concordia, auctoritate et consensu predicti domini iudicis, et ipse iudex, consensu et voluntate ipsorum credendariorum, constituerunt et ordinaverunt Petrum Castagnum ibidem presentem eorum sindicum et procurator et actorem et certo nuncio ad defendendum comune Montis Calerii in causa quam ei movet vel videtur velle movere dominus Iorgius de Solario qui se dicit non teneri ad solutione talearum et ad augendum contra quamlibet personam, nomine predicti comunis, et respondendum coram quemcumque iudicio eclesiastico vel seculari et generaliter ad omnia facienda, nomine predicti comunis quod ipse iudex et consciliarii predicti seu credendarii facere possent, nomine predicti comunis, tali modo quod predictus sindicus nomine predicto possit agere et experiri, causari et escipere, respondere transigere et pacissi compromissum, facere pacem et finem facere, procedere in cassi somarie et de plano alienationes bonorum dictorum comunis facere, hac obligare, libellum dare, recipere possitiones facere et possitionibus respondere testes, instrumenta producere, sentenciam audire et omnia facere que merita causarum postulant et rechirunt, et quod ipse iudex et credendari supradicti nomine comunis facere possent si presentes essent, promitentes mihi notario infrascripto soleniter stipulanti et recipienti nomine hominum quorum interest vel interesse potest se ratum et firmum habere et tenere quicquid actum fuerit, nomine memorati comunis, per predictum sindicum, sub obligo omnium bonorum dicti comunis, dampnum et expensas et interesse restitucione. Insuper predicti dominus iudex et credendari, volentes ipsum sindicum relevare ab omni honore satisdandi et ipse sindicus volens relevarii, promisserunt mihi notario supradicto, recipienti et stipulanti nomine quo supra, vel iudicio sisti (sic) et iudicato solvi soleniter pro ipso intercendentes et fide iubentes in honore causa, renunciando exceptioni non facte costitutionis et promisionis seu fideiusoris omni iuri et exceptioni quo contra predicto nomine venire possent, volentes dictum sindicatum valere et tenere eciam ultra duos menses, nonostante capitulo quo legitur quod aliquis sindicus esse non possit ultra duos menses. Actum hoc fuit su porticu comunis Montis Calerii. Testes ibi fuerunt vocati et rogati Iohannes de Canallis et Bonetus Nucius. Et ego Franciscus Lanfrancus notarius sacri palacii hanc cartam rogatus scripsi.