In Moncalieri, avendo Bertolotto de Piro offerto le 25 lire viennesi a Giorgio Solaro, (...)

Trascrizione a cura di Chiara Pilocane e Chiara Quaranta 

Serie Generale 341

(ST) Anno Domini millesimo CCLXXXVIIII, indicione secunda, in Monte Calerio in porticu comunis ubi ius redditur, die lune XVII mensis octubris, presentibus Willelmo Longo, Iacobo Falavisca et Vieto Marchoaldo testibus vocatis et rogatis. Cum Bertolotus de Piro sindicus comunis Montis Calerii ad solvendum domino Georgio de Solario libras XXV astenses, quas comune predictum eidem domino Georgio dare et solvere tenebatur, causa mutui, et ad deponendum ipsas libras XXV astenses et ad alia eidem domino Georgio facienda ut in instrumento sindicatus plenius continetur, de quo sindicatu apparere per instrumentum factum in manu predicti Willelmi Longi notarii hoc eodem anno et indicione dicitur, deponeret penes me Iacobum Campagninum notarium infrascriptum massarium dicti comunis, volente, presente et precipiente domino Thoma de Zavatariis iudice comunis Montis Calerii, dictas libras XXV astenses ut plenius constat per instrumentum depositionis inde factum manu predicti Willelmi Longi notarii, hoc eodem anno, indicione et die et mense, volendo dictus sindicus, nomine dicti comunis, eidem domino Georgio facere solucionem de dictis libris XXV. Et dictus dominus Georgius dictam solucionem et pecuniam accipere recusaret coram dicto domino iudice ne prius dictus sindicus, dicti comunis nomine, faceret eidem domino Georgio pacem et finem de omnibus debitis, taleis, mutuis, exactionibus et expensis tam realibus quam personalibus factis et impositis in dictum comune et predictum comune ab illo die quo dictus dominus G(eorgius) mutuavit dictam pecunie quantitatem vel eius filius Rufinetus usque ad hodiernum diem sicut tenebatur per pacta habita inter ipsum dominum G(eorgium) vel eius filium Rufinetum et dictum comune, que in instrumento mutui contineri dicebat dictus dominus Georgius; predictus Bertolotus sindicus, nomine iamdicti comunis, dixit et protestatus fuit coram predicto domino iudice et presente dicto domino Georgio quod paratus erat in presenti et ibidem nomine dicti comunis et pro ipso comuni solvere dictas libras XXV astenses dicto domino Georgio. Et eidem domino G(eorgio) facere pacem et finem nomine procuratoris et sindici dicti comunis de omni eo quod debebat et tenebatur nomine iamdicto, secundum pacta, conventiones et pronunciata contenta et scripta in instrumento mutui et pactorum dicti domini G(eorgi) seu dictarum librarum XXV astensium et inde iussit mihi notario infrascripto publicum fieri instrumentum predictus sindicus.

Ego Iacobus Campagninus, sacri palacii notarius, interfui et hanc cartam rogatus ut supra tradidi et scripsi.