Nella Credenza Generale del Comune di Moncalieri, il Signor Bonifacio di Nuy, luogotenente (...)

Trascrizione a cura di Chiara Pilocane e Chiara Quaranta 

Serie Generale 340

(ST) Anno Domini M^o CC LXXXVIIII, indicione secunda, in Monte Calerio, die dominico VIII in octubre in plena et generali credencia comunis Montis Calerii ad sonum campane et voce preconis more solito congregata, dominus Bonifacius De Nuy tenens locum domini Willelmi de Nuy castellani Montis Calerii dominus Thomas de Zavatarus dicti loci iudex de voluntate et consensu omnium credendarum vel maioris partis in ipsa credencia existencium, in qua credencia erant plus quam due partes et ipsi credendarii auctoritate predictorum Bonifacii et iudicis nomine et vice comunis et universitatis Montis Calerii fecerunt, constituerunt et eidem (…) sicut melius potuerunt eorum et dicti comunis certum nuncium et procurator sindicum et actorem Bertolotum de Piro presentem et recipientem ad solvendum domino Georgio vel eius filio Rufineto libras XXV astensium et ad recuperandum instrumentum predicti debiti et ad deponendum dictam quantitatem pecunie seu consegnandum et offerendum quantitatem predictam et ad faciendum in predictis et circa predicta ea que dicto comune facere posset ad inducendum liberationem dicto comuni predicti debiti; tali modo quod dictus sindicus nomine quo se possit dictam quantitatem pecunie solvere et ea offerere conscignare et deponere instrumentum predicti debiti exigere et requirere et si opus fuerit pacem et finem facere ac recipere et omnia alia facere in predictis et circa predicta generalius et specialiter sicut dicti rectores et consciliarii nomine dicti comunis seu ipsum comune facere posset. Quam pecuniam eidem domino Georgio seu eius filio Rufineto dictum comune dare tenebatur, qua occasione dictus dominus Georgius et filius tellevati dicebant et immunes ad solvendum taleas et substineandum honera realia et personalia dum dictum comune dictam quantitatem pecunie retineret ac cessaret satisfacere dicto domino Georgio seu filio eius Rufineto dantes et concedentes eidem sindico in predictis et circa predicta liberum ac speciale mandatum dictis rectoribus et credendarus in dicta credentia existentibus nomine comunis predicti promitentibus per stipulatione sub obligo omnium bonorum dicti comunis et dampnum et expensas ac interesse restituere mihi Willelmo Longo notario infrascripto ut publice persone recipienti et stipulanti nomine illius vel illorum cuius vel quorum interesset vel interesse posset habere et tenere perpetuo ratum et firmum quicquid et de idem sindicus predicto nomine in predictis et circa predicta duxerit faciendus volentes ipsum rellevare ab omni satisdatione et honore satisdandi maxime a satisdacione de iudicato solvendo, et pro ipso sindico dicti Bonifancius et iudex et credendarii nomine dicti comunis principaliter intercesserunt sub obligo premissa, renunciando in hoc facto omni placito omnique legi et iuri quo vel qua dicti Bonifacius et iudex et credendarii nomine dicti comunis contravenire vel se tueri possent.

Testes ibi fuerunt vocati et rogati Iacobus Campagnus, Vietus Marcus, Antonius Nasellus et Bonetus Cogolus.

Et ego W(illelmus) Longus sacri palacii notarius interfui et hanc cartam rogatus scripsi.