Riconoscimento di debito fatto dal giudice del Comune di Moncalieri, Tomaso Zavataro, (...)

Trascrizione a cura di Chiara Pilocane e Chiara Quaranta 

Serie Generale 338

(ST) Anno Domini millesimo CCLXXX VIIII, indicione secunda, in Monte Calerio, die martis secundo exeunte augusto. Confessi fuerunt quilibet eorum in solidum Petrus Castagnus et dominus marchisius de Galardis et Willelmus Vegonus et Bertolinus Platus et Bertolinus Gandeyla et dominus Petrus de Episcopo et Filipus de Curtixellis et Willelmus de Peracio et Manoellus de Caburreto se mutuo accepisse ab Ubertoto Duco libras XV bonorum denariorum viannensium, renunciando exceptioni non recepte et non numerate pecunie, quos denarios eidem creditori vel suo certo misso per stipulacionem dare et solvere promiserunt usque ad Sanctum Martinum proxime venientem, et, si tunc non solverint, promiserunt ei restituere omne mutuum, dampnum, expensas et interesse que et quas dictus creditos termino in antea fecerit vel passus fuerit pro dictis denariis exigendis et recuperandis mutuo, placito usuras alteri dando seu quolibet alio modo credentes ei inde in suo verbo sine testibus et sacramento omnia bona eorum eidem creditori magis grata, inde pignori obligo usque ad integram solucionem, renunciando inde omni placito, nove constitucione de pluribus reis debendi et legum auxilio.

Testes ibi fuerunt vocati et rogati Iohannes de Canalis et Bonifatius de Nuxio et Iacobus Capriolus. Et ego Iacobus de Rocolis sacri palagii notarius interfui et rogatus hanc cartam scripsi.