Mutuo di 15 lire viennesi dato da Uberteto Duc a favore di alcuni borghesi di Moncalieri e (...)

Serie Generale 336

(ST) Anno Domini millesimo CCLXXXXVIIII, indicione secunda, in Monte Calerio, die VII mensis augusti. Confessi et contenti fuerunt quilibet eorum in solidum dominus Arnaldus de Curtixellis, Petrus Castagnus, dominus Petrus de Episcopo, Bertinus Platus, Rodulfus Bara(va)yus, Bertolotus de Piro et Peroninus de Monte Falcono sese mutuo habuisse et recepisse ab Ubertoto Duco libras XV denariorum bonorum viannensium, renunciando exceptioni non recepte et non numerate pecunie; quos denarios eidem creditori vel eius certo misso stipulacionem dare et solvere promiserunt usque ad festum[1] nativitatis Domini proxime venturum, cum omni mutuo, dapno et expensis et interesse factis a dicto creditore termino in antea pro predictis denariis exigendis seu recuperandis in placito, eundo, redeundo mutuum vel usuras alteri dando in iudicio vel extra seu aliquo alio modo, credendo eidem creditori in omnibus dapnis et expensis et interesse in eius solo verbo sine proba et sacramento, sub obligacione omnium bonorum suorum, pignori et dapnorum et expensarum et interesse restitucioni usque ad plenam ut supra dicitur solucionem, renunciando inde omni placito et nove constitucioni de pluribus reis debendi et omni alii iuris et legis auxilio, quo mediante se tueri possent. Testes interfuerunt vocati et rogati Iacobus de Rocolis et Mizelonus de Episcopo.

Et ego Iohannes de Valle notarius sacri palazii interfui rogatus et hanc cartam scripsi.