In Torino, nella Chiesa di San Dalmazzo, Ugo di Montmajeur, milite, e Giovanni priore di (...)

Trascrizione a cura di Chiara Pilocane e Chiara Quaranta 

Serie Generale 335

(ST) Anno dominice nativitatis M^o CCLXXX^o nono, die sabati VI mensis augusti, indicione secunda, presentibus testibus infrascripris. Nobiles et sapientes viri dominus Iohannes prior Yanue et dominus Hugo de Monte Maiori miles gerentes vices illustris viri domini Amedei comitis Sabaudie in terra Pedemontis, auctoritate et balliam eis concessa a predicto domino comite ut costat per literas apertas eiusdem domini comitis, sigillo cereo magno ipsius pendenti sigilatas, nec viciato nec canzellato, tenor quarum literarum talis est. Amedeus comes Sabaudie et machio (sic) in Ytalia dilectis suis viris providis nobilibus et discretis Iacometo domino de Quarto vicario suo generali in terra Pedemontis et vicario suo Taurini, iudicique suo generalli et omnibus aliis suis iudicibus dicte terre, nec non universis, singulis et suis nobilibus, castellanis, feudatariis, vasallis aliisque suis oficiariis et eciam comunitatibus et universitatibus, civibus, burgenxibus ceterisque suis suditis terre sue Pedemontis ad quos presentes litere pervenerint, salutem et dilectione sinceram. Vobis mandamus quatinus dilectis fidelibus et solennibus nonciis nostris domino Iohanni prior Yane et domino Hugoni de Monte Maiori militi quos ad vos et ad terram nostram Pedemontis duximus destinandos pro negociis nostriis et dicte terre per agendis qui in terra supradicta habemus, facere obediatis in hiis qui vobis percipere vel ordinare, nomine et vice nostri voluerint tamquam valiis et ordinata et facta ab eisdem firmiter et inviolabiliter observetis et exequamini ac execucioni faciatis demandari, de autoritate baugeri, die martis post Pendecostes, anno Domini millesimo CCLXXXVIIII vice et nomine et utilitate eiusdem predicti domini comitis et pro utilitate evidenti comuniss (sic)  Montis Caleri et pro aumentando et meliorando foro et platea [...] fori loci Montis Calerii et pro evitando omni hodio et escandallo in Monte Calerio inter partes Montis Calerii et pro pacifico statu comunis et personarum loci Montis Calerii, fecerunt investituram et vendicionem quod ut melius potuerunt Garono de Romanis de Monte Calerio sindico comunis Montis Calerii ad predicta et infra escripta especialiter constituta, ut constat per cartam sindicatus eiusdem factam per me Mizelonum de Episcopo notario, anno currente millesimo CCLXXXVIIII, die veneris V intrante agusto (sic)  indicione secunda, presenti et recipienti vice et nomine comunis et univerxitatis (sic) loci Montis Calerii de quadam sedimine iacente in burgo Montis Calerii predicto, in quarterio porte taurinensis, cui coherent Bertinus de Socio et Petrus de Conrado et via a tribus partibus, pro foro et platea fori faciendis et aumentandis in Monte Calerio, tali modo et forma quod dictum sedimen non poxit vendi, impignari, vel aliquo alio titulo, modo sive causa alienari vel concedi aliqui singulari persone vel alteri cuicumque, set senper et perpetuo remaneat comuni Montis Calerii pro foro et platea fori faciendis. Et eo salvo et esprexim dicto quod in predicto sedimine non poxit aliquod edificium fieri vel aliquod aliut operari vel fieri in preiudicium domini comitis et iuris eiusdem. Quod sedimen querelant predicti dominus prior et dominus Hugo pervenisse iamdicto domino comiti hocaxione maleficii proprietari per Vietum de Avocato de Tropharello pro parte et pro alia parte et rexidio ixius aquixise nomine domini comitis, ad opus comunis Montis Calerii titulo vendicionis facte a Rofino de Solario pro se et[1] consortibus suis et amicis et aliis habituribus partem in dicto sedimine, precio librarum XL viannensium, tali modo ut predictus sindicus, nomine predicti comunis Montis Calerii et ipsum comune hocaxione, modo et forma quibus supra, predictum sedimen habeat, teneat et poxideat et faciat quicquid inde voluerit sine contradicione domini comitis et nunciorum suorum et omnique alteri persone, eidem sindico nomine predicto recipienti, promitentes venditores predicti nomine et vice iamdicti domini comitis, predictum sedimen modo et forma predictis ut supra perpetuo ei varire, defendere, disbrigare et manutenere et vacuari posexione, ei tradere et espedire et espeditum domi et terre per se et castellanos et iudices et noncios suos qui noncii sunt in Monte Calerio, vel pro temporibus fuerint in loco predicto. Et quod castellani et iudices Montis Calerii teneantur et debeant predictum sedimen ut supra, modo et forma quo supra, defendere et manutenere comunis Montis Calerii licencia eidem xindico nomine quo supra dictos venditores predicti nomine predicti domini comitis ut sua autoritate propria cum voluerit posexionem vel quaxi apreendat de dicto sedimine et adpreensam corporalem retineat. Et interim sese costituerint nomine predicti sindici et dicti comunis tenere et poxidere vel quaxi eidem xindico nomine predicto cedentes venditores predicti nomine[2] domini comitis eis causa vendicionis omnia iura omnesque auciones reales et personales que et quas dominus comes habet vel habere vissus est, alico modo vel iure, supradicto sedimine ut omnis utatur et uxi possit causa in agendo et defendendo[3] alio modo quibus omnibus predictus dominus comes uti poterat et posset, et sicut posset. Ponentes et costituentes ve(n)ditores predicti nomine quo supra ipsum sindicum, nomine predicto, autorem et procuratorem tamquam in rem suam et locum suum in predicta vendicione iuriumque cexione, fuerunt confexi et contenti predicti dominus prior et dominus Hugo, nomine predicti domini comitis se habuisse et recepisse a predicto xindico nomine predicti comunis pro precio et nomine precii predicti sediminis librarum LXXX bonorum viannensium, renunciando exceptioni non habite et non recepte pecunie et precii et espei future receptionis et legi dicenti quod si res vendita escederet ultra dimedia iusti preci parte, quod contractus poxit rexidi precio restituto autem ad stypulamentum agi et omni alii iuri legi et esceptioni quibus dominus comes servari vel defendere posset contra predicta vel aliquid predictis. Et inde duo instrumenta eidem tenoris precepta sunt fieri miqui Mizelono de Episcopo notario Montis Calerii et Fredelico Lurie notario Taurini.

Autum est hoc in Taurino in eclexia Santi Dalmacii; interfuerunt testes dominus Hugo de Podio, Ganterio milles vicarius Taurini, dominus Andres de Vantuaco legum profesor (sic) iudex civitatis eiusdem, Matheus Tatanus notarius, Willelmus Buaterius notarius et Antonius Biscotus civis Taurini.

(ST) Ego Mizelonus de Episcopo, notarius curie Montis Calerii, predictis omnibus interfui et hanc cartam sic scripxi et complevi.

(ST) Ego T. Fredericus, Lurie notarius curie Taurini, predictis interfui et de predictis precepui sicut mihi Frederico et predicto Michellono notario eiusdem tenoris facere duo intrumenta, quarum unum hoc est in quo me subscripsi et signum meum apposui et predictus Michellonus in alio instrumento facto per me Fredericum Luriam notarium similiter se subscripsit et signum suum apposuit consuetum.