Presso il Castello di Sabbione, il giudice Uberto Provana, Sindaco di Carignano, e Giacomo (...)

Serie Generale 334

(ST) Anno Domini millesimo C^oC^o LXXXVIIII, in dictione (sic) secunda, actum est hoc in canpo Nicholay Provane prope castrum Sabloni. Testes ibi fuerunt vocati et rogati dominus Bertolotus Provanus, miles Udinus de Paucapagla, Ardicio Calvus de Cargnano, Nicholinus de Boria, Iacobus de [...]go, Turinus de Purciglis, omnes de Cargnano, dominus Garoninus de Romano, Iacobus Capriolius, Manoellus de Cabureto, Willelmus Calvus, Lorencius Truna et Georgius de Laripa, omnes de Monte Calerio. In nomine Domini amen. Cum questio seu questiones vertentes seu verti videbantur inter comune et homines Montis Calerii ex una parte et comune et homines Cargnani ex altera, occasione finis Sabloni, et specialiter finis qui appellatur Listola, in qua edificatum fuerat condam castrum Sabloni, et finis qui appellatur Cadratum, et occasione cuiuslibet alterius finis, dominus Ubertus Provana, iudex, sindicus et procurator comunis Cargnani ad hoc specialiter constitutus, nomine et vice dicti comunis Cargnani, de cuius sindicatus patet publicum instrumentum factum manu Ardicioni de Albrieto notario hoc eodem anno et indictione in Cargnano, die XII in iunio ab una parte, et Iacobus de Rocolis, sindicus et procurator comunis Montis Calerii ad hoc specialiter constitutus, ut constat per publicum instrumentun factum manu Mathei Piperari notarii de Monte Calerio hoc eodem anno et indictione, die XVIII iunii, nomine et vice dicti comunis Montis Calerii ex altera, de dictis questionibus et rancuris et quibuscumque aliis vertentibus inter ipsas partes, se compromiserunt in dictum Nicholinum Ducum de Monte Calerio et Willelmum Galletum de Cargnano tamquam in arbitros et arbitratores et amicabiles compositores et comunes amicos, tali modo quod dicti arbiter et arbitratores et amici comunales possint dicere et arbitrare inter dictas partes, servato iuris ordinem et non servato, citatis partibus vel non citatis, presentibus partibus vel absentibus, in scriptis vel non scriptis, sedendo vel stando et quocumque loco, die feriata vel non feriata, de iure unius partis alteri atribuere ad eorum plenariam et liberam voluntatem si et sic voluerint, et eis melius videbitur expedire et quicquid dictum vel arbitratum fuerit inter dictas partes per predictos arbitros promisserunt dicti sindici, nomine dictorum comunium, unus alteri vicissim stipulari, atte(n)dere et observare et non contravenire sub pena librarum centum viannensium bonorum et sub obligacione omnium bonorum dictorum comunium. Que pena tociens comitatur quociens contrafactum fuerit et nichil hominus pena exacta vel non sit firmum quod pronunciatum fuerit per predictos arbitratores seu arbitrum et sit medietas dicte pene si comiteretur per aliquas dictarum parcium domini comitis Sabaudie; altera medietas partis observantis vel observare volentis et exigi possit cum effectum a parte non observante vel observare nolente. Que omnia predicti sindici et procurator, nomine dictorum comunium, promisserunt una pars alteri sollepni stipulacioni attendere et observare et non contra facere vel venire, de iure vel de facto, sub obligacione omnium bonorum dictorum comunium, dapni et expensarum et interesse restitucione, renunciantes exceptioni non facti compromissi et non facte promissionis et omni iuri canonico et civili et consuetudinario et exceptioni quo vel qua contra predicta venire possit, de iure vel de facto. Quod compromissum locum habeat et vendicet sibi locum usque ad octo dies proximos. Eodem die et loco et presentibus hiisdem testibus, dicti arbiter et arbitratores et comunes amici, volentes dictas discordias ad concordiam revocare et aducere et ipsis questionibus finem imponere pro bono pacis et concordie, habito tractatu cum ipsis partibus ambo in concordia nemine discrepante, sedendo in scriptis, habendo Deum pre hoculis, presentibus dictis partibus et habita super hiis diligenti deliberatione, invocato nomine Domini, dixerunt, pronunciaverunt et arbitrati sunt ut infra. Primo quod finis predicta que appellatur Listola et in quantum se stendit ipsa Listola et in qua Listola condam edificatum fuit castrum Sabloni sit et esse debeat comunis et hominum Montis Calerii ut sunt alies fines Montis Calerii proprietas vero possessio ipsius Listole sit illorum quorum sunt de possessione. Item quod finis predicta que appellatur Quadratum, sic se stendit dictum Quadratum, sit comunis dictorum comunium hoc modo videlicet quod comune Montis Calerii ibi ponat unum camparium et comune Cargnani alium camparium et utraque acussare possit et hanc dicti camparii tantum pro camparia dicti Quadrati de qualibet iornata plena in Vernenchi vel Marcenchi denarii I viannensis. Que camparia sit comunis dictorum campariorum ita quod quilibet hanc medietate et quod occasione dicte camparie dicti camparii in dicto Quadrato bladum vel gerbam aliquod vel aliquam accipere vel habere non possint et quod rectores dictorum locorum dictam campariam dictis camparis solvi facere teneantur, et quod possessiones quas habent homines Cargnani in dicto Quadrato solvant et solvere debeant taleam in Cargnano; possessiones vero quas habent homines Montis Calerii in dicto Quadrato solvant et solvere debeant talea in Monte Calerio. Item quod dictum Quadratum sit comunis dictorum comunium ad pascuedum, si qua pascua ibi sunt. Item quod alie fines Sabloni quas tenent homines Cargnani sint et esse debeant comunis et hominum Cargnani, eo salvo quod possessiones que sunt ibi remaneant illis de quorum sunt. Item quod alie fines Sabloni quas tenent homines Montis Calerii sint et esse debeant comunis et [hom]inum Montis Calerii, eo salvo quod possessiones que sunt ibi remaneant illis quorum sunt. Et hec omnia predicti arbiter et arbitratores et amicabiliter ambo in concordia dixerunt, pronunciaverunt et arbitrati sunt attendi et observari sub pena predicta. Que omnia dicte partes ratificaverunt, confirmaverunt et aprobaverunt, deservantes in se dicti arbitri potestatem declarandi, si aliqua obscuritas vel dubietas in predictis vel circa predicta coriretur et instrumentum pronunciandi. Et inde plura instrumenta unius tenoris fieri iussa sunt.

Et ego Thomayus Longus, plubicus[1] notarius hanc cartam abreveatam per patrem meum Willelmum Longum, qui eam adhimplere non potuit propter egritudinem suam et tremitum manuum suaruam, auctoritate michi concessa a domino Dorato Tenchapassa iudice Montis Calerii et a credencia dicti loci eam, sic tradidi et complevi.