Mutuo di lire viennesi 35 dato da Rufinetto Solaro a favore del Comune di Moncalieri, (...)

Trascrizione a cura di Chiara Pilocane e Chiara Quaranta 

Serie Generale 332

(ST) Anno Domini millesimo CCLXXXVIII, inditione prima, in Monte Calerio, die lune XIII in septembri. Confessi fuerunt quilibet eorum in solidum Bertazius Ramellus et Bertinus de Ramacio et Matheus Punziglonus et Ubertetus Tofangius et Odonus de Boteo et Iacobus Zarbilius se mutuo habuisse et recepisse a Rufineto de Solario libras XXV bonorum denariorium viannensium, renunciando exceptioni non recepte et non numerate pecunie et spey future numerationis et receptionis; quos denarios dicti debitores promiserunt eidem creditori vel suo certo misso per stipulacionem dare et solvere usque ad quattuor menses proxime venturos. Et si tunc non solverint promiserunt eidem restituere omne mutui dapnum, expensas et interesse, quo et quas dictus creditor termino in antea fecerit vel passus fuerit, pro dictis denariis exigendis et recuperandis mutui, placiti usuras alteri dando, eundo, redeundo seu quolibet alio modo credentes ei inde in suo verbo sine testibus et sacramento, omnia bona eorum eidem creditori magis gratia inde pignori obligando usque ad integram solutionem ita quod ubique contravenire possit, renunciando inde omni placito nove constitucionis de pluribus reis debendi et legum auxilio et omni alii legi et iuri quo vel quas contra predicta vel aliquo predictorum possent facere vel venire vel se iuvare et cetera.

Testes ibi fuerunt vocati et rogati Bonetus Cozolus et Antonius Nasellus et Iohannes de Canalis.

Et ego Iacobus de Rocolis, sacri palazi notarius, interfui et rogatus hanc cartam scripsi.