Documento riferentesi al mutuo dato da Uberto Duc al Comune di Moncalieri di cui al N°328 (...)

Serie Generale 329

(ST) Anno Domini millesimo CCLXXXXVIII, indicione XI, in Monte Calerio, die IX mensis martii. In presencia Garonini de Romanis, Iacobi Marci et Winoni Mayalis, testium ad hoc spetialiter vocatorum et rogatorum. Cum quodam debito librarum XVIII viannensium quod Iacobus Vironus et Iohannetus Garbiylus et Iacobus de Mangino dare et solvere tenebantur in solidum Uberteto Ducho ut p(ar)et per cartam factam manu Iacobi Canpagnini nunc curente in eo M CCLXXXXVII, indicione X, in Monte Calerio, die XXVI mensis augusti, et ex alio debito libras XXX viennenses quod eidem Uberteto dare et solvere tenebantur in solidum Galvagnus de Solario et Oddoninus Merlo et Perenus Barberius, unde est in istrumentum factum per me notario infrascripto curente in eo M CCLXXXXVII, indicione X, in Monte Calerio, die secundo mense iulio. Idem Ubertetus confessus est habuisse et recepisse plenam et integram solutionem, renunciando exceptioni non recepte et non numerate pecunie et solutionis et spei future numerationis et omni legum et canonico auxilio; qui Ubertetus per stipulacionem promissit mihi notario infrascripto ut publice persone stipulanti et recipienti nomine et vice omnium et singulorum debitorum suprascriptorum quod eos vel aliquos eorum de cetero de dictis debitiis per se vel per alium non requiret vel inquietabit vel molestabit sub obligo bonorum suorum dampni, expensarum et interesse restitutione, et quod de dictis debitiis stabit perpetuo tacitus et contentus. Et inde preceptum est mihi notario infrascripto fieri unum et plura publica instrumenta.

Ego Matheus Piperarius notarius sacrii palacii hiis interfui et hanc cartam rogatus ut supra scripsi.