Mutuo di lire 25 viennesi dato da Uberto Duc a favore del Comune di Moncalieri in persona (...)

Trascrizione a cura di Chiara Pilocane e Chiara Quaranta 

Serie Generale 328

(ST) Anno Domini millesimo CCLXXXVII, indictione XV, in Monte Calerio, die dominico XXVII mensis iulii. Confessi fuerunt quilibet eorum in solidum Petrus Castagnus, Bertinus Platus, dominus Petrus de Episcopo, Willelmus Calvus, Bertolotus de Piro, Iohannes Saxus, Iacobus de Rocolis et Catanius Vayrolius sese mutuo accepisse ab Ubertoto Ducho libras XX^tiV^e bonorum denariorum viannensium, renunciando exceptioni non numerate et non accepte pecunie et spei future receptionis et numerationis. Quos denarios predicti debitores quilibet eorum in solidum dicto Ubertoto per stipulacionem in pace et sine aliquo strepitu iudiciario dare et solvere promiserunt in pecunia numerata, usque ad festum Sancti Michaellis proxime venturum, cum omni mutuo, dapno, expensis et interesse, quos et quas dictus creditor fecerit seu passus fuerit termino in antea eundo redeundo mutuum, usuras alteri dando seu quolibet alio modo pro dictis denariis exigendis et recuperandis, de quibus eidem creditori promiserunt c(r)edere in suo simplici verbo sine testibus et sacramento. Et pro predictis omnibus observandis et non contraveniendis predicti debitores quilibet in solidum eidem creditori omnia eorum bona magis gratia pignori obligaverunt et dapni, expensarum et interesse restitucionem, renunciando inde dicti debitores omni placito, omnique legum auxilio et nove constitutionis de pluribus reis debendi et epistule divi Adriani et omni alii iuri fideiussorio et cetera. Testes ibi fuerunt vocati et rogati dominus Petrus Falavisca, Willelmonus Mayalis et Bonetus Cozolis.

Ego Iacobus Campagninus, sacri palacii notarius, interfui et hanc cartam rogatus scripsi.