Giuramento di fedeltà prestato da Giorgio de Laripa al Castellano ed al Giudice di (...)

Trascrizione a cura di Chiara Pilocane e Chiara Quaranta 

Serie Generale 326

(ST) Anno Domini millesimo C°C°LX°X°X°VI, indicione quartadecima, in Monte Calerio, die iovis XXV mensis aprilis, ad honorem domini nostri (Iesu) Christi et beate matris eius verginis Marie gloriosse nec non ad exaltationem et decus illustris viri domini Amedei comitis Sabaudie ad bonun statum et augmentum universitatis hominum Montis Calerii. Cum per ipsum dominum comitem eiusque predecessores ex eorum gubernacione solicita et dilecto regimine locus Montis Calerii usque nunc multimode anpliatus sperabatur eciam in futurum pereundem dominum comitem, docente rerum experiencia lacius augmentari, Georgius de Laripa actor et sindicus universitatis et hominum predictorum per eosdem ad inscripta facienda specialiter constitutus prout  de sindicatu et potestate eiusdem docetur per plubicum[1] instrumentum factum per me Melanum Punzillonum  notarium eiusdem anno et indicione, die mercurii XXIIII mensis aprilis, ex potestate eidem sindico predicti loci credendarios atributa, eciam obvidentem et maximam dicti loci utilitatem. Constituit atque fecit omnes et singulos homines de Montis Calerii presentes pariter et futuros subiectos et homines domini comitis in manibus Bertolini de Truna tenentis locum domini Urici de Ripalta castellani Montis Calerii, et in manibus domini Iohannis de Alavardo iudicis dicti loci meique notarii infrascripti tam quam publice persone recipencium vice et nomine domini comitis memorati, salvo iure liberum quondam illustris viri diaconi Thome de Sabaudia dictosque Bertolino et iudice recipientibus ut supra. Idem sindicus nomine universitatis et hominum singulorum et omnium predictorum fidelitatem fecit corporali per eumdem sindicum prestito iuramento dedit eciam et concessit atque donavit et transtulit sindicus supradictus per predictis Bertolino et iudici et me notario eidem domino comiti et in eum merum et mistum imperium et comunem iurisdictionem exercitus et cavalcatas, iusticias datas et banna omnia Montis Calerii districtu, territoribus et finibus dicti loci et omnia alia segnoriam et iura segnorie quam ibi predictus dominus comes et predecessores eius, secundum formam capitolorum dicti loci, more consueto habere et tenere ac exercere consueverunt; et medietatem molendinorum et furnorum eiusdem loci provencium eorundem et medietatem ceterorum redituum et exituum dicti loci, silicet pedagii, aquatici, piscarie, mercati, becarie, buchearum, toretarum et aliorum ipsi loci redituum atque provencium tam presencium quam eciam futurorum cun omnibus iuribus predictam universitatem spectantibus in medietate predictorum molendinorum, furnorum, beccarie, buchearum et toretarum et aliiorum redituum predictorum. Et occasione eciam eorumdem constituens nomine quo supra ipsum dominum comitem procuratorem in rem ipsius propriam in omnibus et singulis iuribus et acionibus medietatis predicte, donavit insuper et concessit prefatus sindicus iamdictis Bertolino et iudici et mihi notario recipientibus nomine prelibato per vos domino comiti instrumento quod ipse dominus comes in Monte Calerio et districtu singulis annis possit nundinas exercere, facere ac tenere decem dierum spacio anno quolibet duraturas. Ita videlicet quod reditus, pedagii et mercati ac proventus ceteri nundinarum spectent et perveniant in solidum dictarum nundinarum temporibus ad dominum comitem sepedictum; preterea idem sindicus remixit domino comiti prelibato omnibusque causam habentibus ab eo seu predecessoribus eius omnia iura ad universitatem et homines supradictos spectanciam in bucheis et domibus quos ospitalerii et Odinus Mogarenus tenent in Monte Calerio ex concessione eis facta per illos de Fulgere. Remisit eciam et convenire dictus sindicus nomine supradicto iamdictis Bertolino et iudici et mihi notario nomine quo supra recipientibus, ne ipse dominus comes et sui in expensis olim factis seu eciam de cetero per dictam universitatem et homines faciendi causa manutenendi seu defendendi ripas Padi a ponte Padi in Monte Calerio superius et eam tenendi dictum flumen in cursu seu alveo consueto aliquid ponere seu atribuere vel expendere teneantur. Et quod predictis occasionibus per homines Monti Calerii ab ipso domino comite vel suis aliquid peti possit predictas autem constitucionem et fidelitatem, donacionem et concessionem acque remisionem et cetera instrumenta predictus sindicus prefatis Bertolino et iudici et michi iamdicto notario tam quam persone plubice recipientibus in[2] nomine domini comitis intrumenti promisit et in animas ac super animas credendariorum omnium, et omnium aliorum hominum dicti loci, corporaliter iuravit se universitatem et homines supradictos rata, firmas et firma habere ac tenere in perpetuo actendere et inviolabiliter observare nulloque tempore contrafacere seu venire, et nulla ex causa in totum vel in partem aliquid revocare, sub obligacione omnium bonorum universitatis et hominum predictorum, renunciando in predictis exceptioni doli et in factum condicioni et exceptioni sine causa et ex iniusta causa, et ne universitas et homines supradictos possint dicere vel opponere se in predictis fore leses vel eciam circumventos ac benefice restitucionis in integrum et legibus dicentibus donacionem ex causa ingratitudinis revocari posse ac ipsam sine insinuacionem ultra quingentos aureas non valere; et generaliter alii omni iuri scripto et non scripto, canonico et civili, quo dictus sindicus, universitas et homines sepedicti ullo modo uti possint, faciens eciam dictus sindicus de predictis tot donaciones particulariter et divisim iamdictis personis nomine suprascripto quod ipsarum nullam quantitatem legitimam sive summam aureorum predicam excedere videatur set dicte quantitatis meris ac finibus concludatur promisit; preterea predictus sindicus predictis Bertolino et iudici et mihi notario sepedicto ut supra stipulantibus se facturum et tractaturum pro predicta universitas omnia supradicta et singula rectificabit et aprobabit et confirmabit in plubica concione, quandocumque per dictos Bertolinum et iudicem vel alterum ipsorum inde fuerint requisitus.

Testes ibi fuerunt vocati et rogati dominus Marencus de Ufinis, dominus Iacobus Iultus iudex de Secuxia, dominus Nicholaus Ducus, dominus Marchisius de Galardis iudex, dominus Petrus Falavisca, dominus Manuellus de Cabureto, Iacobus Capriolius et Bertinus Platus.

Et ego Melanus Punzillonus, notarius sacrii palaci, interfui rogatus et hanc cartam scripsi.