La Credenza di Moncalieri delega Giorgio de Laripa in Sindaco, attore e procuratore del (...)

Trascrizione a cura di Chiara Pilocane e Chiara Quaranta

Serie Generale 325a

(ST) Anno Domini millesimo CCLXXXVI, indicione XIIII^a, in Monte Calerio, die mercurii XXIIII mensis aprilis. In plena credencia Montis Calerii loco et more solitis congregata dominus Iohannes de Alavardo iudex loci predicti, voluntate et consensu omni credendariorum ibidem existencium nec non consiliarii universi ipsorum nemine discrepante, quorum nomina inferius describuntur, una cum iudice supradicto vice ac nomine ipsorum et omnium et singulorum de Monte Calerio et universitatis eidem loci fecerunt, constituerunt et ordinaverunt Georgium de Laripa presentem et mandatum susscipientem eorum et hominum ac universitatis dicti loci certum nuncium sindicum et actorem ad constituendum et ad faciendum sese et omnes et singulos de loco predicto homines et subiectos illustris viri domini Amedei comitis Sabaudie, ad faciendum eidem fidelitatem et ad dandum, transferendum et concedendum ipsi domino comiti in eum merum et mistum imperium et omnem iurisdictionem exercitus caval(ca)tas, iusticias datas et banna omnia in Montis Calerii districtu, territorio et finibus dicti loci et omnem aliam segnoriam ac iura segnorie quam ibidem dictus dominus comes et predecessores eius secundum formam capitollorum dicti loci et morem consuetum, habuere, exercere ac tenere consueverunt; et ad dandum et concedendum prefato domino comiti medietatem molendinorum et furnorum dicti loci et proventum eorundem et medietatem ceterorum redituum et exituum loci predicti, silicet pedagii, aquatici, piscarie, mercati, beccarie, buchearum, toretarum et aliorum dicti loci redituum ac proventuum tam presencium quam eciam futurorum, et medietatem omnium iurium ad predictam universitatem et homines expectancium in predictis molendinis, furnis, beccaria, bucheis et toretis et aliis reditibus suprascriptis et occasione eciam predictorum; et ad concedendum eidem domino comiti quod in Monte Calerio et districtu prefatus dominus comes singulis annis possit nundinas exercere, facere ac tenere diuturnas quolibet anno decem diebus. Ita videlicet quod mercati, pedagii, reditus et proventus ceteri nundinarum expectent et perveniant in solidum dictarum nundinarum temporibus ad dominum comitem supradictum. Et ad remitendum eidem et omnibus et singulis causam habencibus ab ipso seu predecessoribus eius omnia iura ad universitatem et homines supradictos spectancia in bucheis et domibus quas ospitale et Odinus Mogarenus tenent in Monte Calerio, ex concessione eis facta ab illis de Fulgere et ad pacisscendum cum domino comite vel personis alis pro eodem ne ipse dominus comes vel sui in expensis olim factis seu eciam de cetero per dictam universitatem faciende, causa muniendi seu defendendi ripas Padi a ponte Padi Montis Calerii superius et caussa tenendi dictum flumen in cursu seu alveo consueto aliquid ponere seu contribuere vel expendere, teneantur. Hec ab ipso vel suis occasione predicta aliquid peti possit et ad omnes et singulas peticiones, promissiones et concessiones faciendas iuramenta quoque in animas et super animas ipsorum credendariorum et aliorum hominum dicti loci prestanda et omnia alia et singula exercenda, quas et que facere ac exercere possent universitas et homines sepedicti, concedendo eidem sindico amministracionem generalem et liberam in omnibus et singulis supradictis, promitentes insuper iudex et consiliarii suprascripti, nominibus quibus supra, corporali per ipsos credendarios prestito iuramento mihi notario infrascripto, tam quam persone publice stipulanti nomine domini comitis supradicti, omnia et singula suprascripta et quecumque dictos sindicos predicto nomine fecerit in predictis et circa predicta rata et firma habere ac tenere et inviolabiliter observare, nulloque tempore contra facere vel venire sub omnium bonorum et universitatis suorum predicte obligacione. Nomina vero dictorum credendariorum quod predictis interfuerunt sunt inferius: primo dominus marchissius de Galardis, dominus Nicholaus Ducus, Petrus Castagnus, Manuellus de Cabureto, Bertinus Platus, Iordanius Piperarius, Rufinus de Cabureto, Villelmetus de Peracio, Bertolinus Platus, Iacobus Merlentus, Georgius de Laripa, Villelmus Longus, Villelmus Truna, Anthonius de Gura, Iacobus Zandela, Villelmus de Ramacio, Matheus Piperarius,Villelmus Maialis, Nicholetus Maialis, Colinus de Ramacio, Bertolotus de Piro, Villelmus Castagnus, Bertolotus de Peracio, Iacobus Vasconus, Migelonus de Episcopo, Erro Merlo, Maynfredus de Bi(…)co, Anthonius Bergognonus, dominus Petrus Falavisca, Oliverius Canpagninus presbiter de Novo, Bertoglius Zandela, Bufetus Vasconus, Iacobus de Rocolis, Villemus Calvus, Villelmus Cazius, Ubertus Tofangius, Iacobus Canpagnino, Villemus de Calpice, Facius Platus, Villemus de Engana, Villelmus Bonetus, Henricus Marcus, Henricus de Calpice, Minaolus de Castello, Villemus de Feia, Matheus Punzillonus, Iohannetus de Valle, Rafinus Clinitus, Brutus Ferandus, Iacometus Mazola, Francisius de Peonoto Fisfa, Vietus Marcus, Gilius Platus, Bertinus de Socio, Iacobus Cravionus, Rudulfus Baravayus et Iordanus Truna.

Testes ibi fuerunt vocati et rogati Iacobus Balbus, cliens castri Montis Calerii, Anthonius Nassellus, Brunetus Gasbandus et Bonetus Cozollus.

Et ego Melanus Punzillonus notarius sacri palacii interfui rogatus et hanc cartam scripsi.