Mutuo di 10 lire viennesi dato da Guglielmo Castagno a favore di alcuni borghesi di (...)

Trascrizione a cura di Chiara Pilocane e Chiara Quaranta 

Serie Generale 322

(ST) Anno Domini millesimo CCLXXXVI, indicione X^aIIII, in Monte Calerio, die XXIIII mensis marci. Confesi fuerunt quilibet eorum in solidum Manuellus de Cabureto, Bertinus de Socio, Rufinetus de Solario, Iacobus Campagninus, Rodulfus Baravayus, Iacobus Zandela[1] et Bertolotus de Piro se mutuo accepisse a Villelmo Castagno libras duodecim bonorum denariorum viannensium, renunciando exceptioni non habite et recepte pecunie; quos denarios dicti debitores eidem creditori vel suo certo misso per stipulacionem solvere promiserunt usque ad duos menses completos proxime venturos; et si tunc non soluerint deinde in antea, cum omni dapno, mutuo et expensis inde factis a creditore, placitum, mutuum, usuras alteri dando seu quolibet alio modo ei per stipulacionem restituere promiserunt bona fide, credendo inde ei in suo verbo sine testibus et sacramento et inde obligando ei omnia eorum bona, pignori habita et habenda et que sibi magis placuerint usque ad plenam et integram ut supra dicitur habitam solucionem, renunciando inde dicti debitores omni placito nove constitutionis, qua dicitur quod nequis ex his reis conveniatur in solidum donec alter fuerit presens et solucioni, omnique legum auxilio.

Testes ibi fuerunt vocati et rogati Ubertus Marcus, Iohannacius de Testa, Nicholetus Caper et Vido Erro.

Et ego Melanus Punzillonus, notarius sacri palacii interfui, rogatus et hanc cartam scripsi.