Il Comune di Moncalieri vende per anni sei ad alcuni borghesi del luogo la misura del (...)

Trascrizione a cura di Chiara Pilocane e Chiara Quaranta 

Serie Generale 314

(ST) Anno Domini M^oCC^oLXXXIIII, indicione XII, in Monte Calerio, die lune VI in novembri, presentibus Bruneto Gastaldo, Boneto Cozolo et Antonio Nasello nunciis comunis Montis Calerii testibus ad hoc specialiter vocatis et rogatis in plena et generali credencia Montis Calerii ad sonum canpane et more solito congregata. Dominus Iohannes de Alavardo iudex Montis Calerii de voluntate et consensu omnium credendariorum ipsius credencie, quorum nomina hic inferius denotantur, et ipsi credendarii auctoritate ipsius iudicis, respecta utilitate comunis Montis Calerii et diligenter attenta, nomine dicti comunis, dederit et concesserit de festo Sancti Martini proximo usque ad VI annos proxime completos Georgio de Laripa, Petro de Sucia et Henrico Nuncio, recipientibus pro se et pro Rubeo de Fereto et nomine ipsius mensuras vini Montis Calerii sub pactis et condictionibus infrascriptis. Pacta vero sunt hec: primo quod debent mensurare et portare sive portare facere quamlibet carratam vini pro tribus denariis viannensis quam emerint forenses vel aliquis de forensibus super carrum in careria; de aliis V^o venditis inter homines Montis Calerii, de qualibet carrata denariorum II viannensium pro mensuratura tamen et dictos denarios solvere debet illa persona qua vinum emerit; de vino vero non vendito si travasseritur tempore vindimiarum vel alio tempore nichil habere debet et nulla alia persona in Monte Calerio propter predictos possit dictum oficium exercere pro tempora prelibata. Ipsi vero eorum nomine et nomine quo supra promiserunt quilibet eorum in solidum per stipulacionem dicto iudici et mihi notario infrascripto cuilibet tamquam publice persone recipienti et stipulanti, vice et nomine omnium, ad quos res tangit vel tanget sub ypoteca rerum suarum et omnium dapnorum et expensarum restitucione facere, reactare et actatum manutenere pontem Padi mortui et eius lapolas sufficienter usque ad finem dicti termini et in fine dicti temporis ipsum dimitere, redere integrum et actatum, salvo quod, si propter plenas vel propter guerram contingeret quod abssit in totum vel in parte destrui, dictum pontem comune reficere teneantur in statu in quo fuisset ante dictam distructionem. In quo casu renunciaverint predicti G(eorgius), P(etrus) et Henricus legi dicenti quod ne quis ex reis conveniatur donec alii sint presentes et quod inter compromitentes obligacio dividatur et anbe partes renunciaverunt doli et in factum et sine causa et omnis iuris et consuetudinis auxilio et remedio, quo mediante contravenire possent, promitentes insuper predicti tres se facturos et curaturos cum efectu quod dictus Rubeus aprobabit et ratificabit et ratum habebit omnia instrumenta et quod in instrumento attendet una cum aliis ea qua per ipsos G(ergium), P(etru)m et Henricum superius sunt promissa, cum restitucione dapnorum et expensarum et sub obligacione premissa. Nomina vero credendariorum hec sunt: Manuel de Cabureto, Vietus Marcus, Iacobus de Rocolis, Iacobus Capriolius, Antonius Bergognonus, Guillelmus Cacius, Iacobus de Alberono, Vietus Barachinus, Henricus Marcus, Willelmus Maialus, Maynfredus Marcus, Rufinus de Cabureto, Willelmus Calvus, Garoninus de Romano, Petrus Castagnus, Bertinus Platus, Iacometus Mazola, Bertinus de Sucio, Culinus de Ramacio, Gilius Platus, Petrus de Conrado, Willelmus Castagnus, Willelmeto de Peracio, Bertulinus Platus, Brunetus Ferandus, Franciscus de Ponoto, Iacobus de Merllone, Robaldinus Clinintus, Rafinus frater eius, Iordaninus Truna, Antonius de Lagura, dominus Petrus de Episcopo, dominus Petrus Falavisca, Matheus Piperarius, dominus Nicholinus Ducus, Odonus de Bothio, Willelmus Vayrolius, Iordanus Piperiarius, Iohannes Saxus, Iacobus Duchus, presbiter Cavallus, Petrus Baravayus, Catanicus Vayrolius, Iacobus Borellus, Willelmus de Feya, Ardicio Vuasconus, Iohannetus de Lavalle, Iacobus Canpagninus, dominus marchisius, Uliverius Canpagninus, Minacius de Castello, Iacobus Vuasconus, Udinus Mogayronus, Ubertus Truna, Iacobus Zandela, Guillelmus de Ramacio, Bertuglus Zandela et Willelmus Bonetus. Est inde duo instrumenta unius tenoris iussa sunt.

Et ego Willelmus Longus, sacri palatii notarius, interfui et hanc cartam rogatus scripsi.