Mutuo di lire viennesi 54 e soldi 10 dato da Giorgio Solaro a favore del Comune di (...)

Serie Generale 313

(ST) Anno Domini millesimo CCLXXXIIII, indicione XII, in Monte Calerio, die martis VI in iunio. Confessi fuerunt quilibet eorum in solidum Petrus Castagnus, Iacobus Capriolus, Bertinus Platus, Iacobus Merllencus, Manoellus de Caburreto, Willelmus Mayalus, Bertolinus de Episcopo, dominus Nichola Duciis, Iacobus de Rocolis, Bertolotus de Piro, Willelmus Vayrolius, Willelmus Longus se habuisse et recepisse in pecunia numerata ex causa mutui a domino Georgio de Solario habitanti in Monte Calerio libras LIIII et solidos X bonorum denariorum viannensium; quos denarios per stipulacionem et sub obligo omni bonorum suorum, dampni et expensarum et interesse restitucione, solvere promiserunt dicto domino Georgio vel eius nuncio in pecunia numerata usque ad Nativitatem Domini proxime venientem; tali pacto et conditione apponita quod predicti quilibet predictorum in solidum debeant predictam pecuniam solvere predicto Georgio vel eius nuncio in pecunia numerata, si ad predictum terminum predicta solucione non fieret in pecunia numerata pro ut superius est expressum promiserunt dicto Georgio presenti et stipulanti omne dampnum et expensas et interesse eidem vel eius heredibus reddere et restituere ad eius liberam voluntatem et de predictis et singulis credere in eius verbo sine aliqua probatione et pro predictis omnibus et singulis atendendis et observandis, omnes superius nominati et quilibet illorum in solidum renunciaverunt exceptioni non recepte et non numerate pecunie et nove constitucioni de pluribus reis debendi et omni iuri et constitucioni facte et faciende et omni statuto facto et faciendo et reformatione conscilii facte facture et faciende per que et quod possent de iure vel de facto contravenire; renunciaverunt eciam auctioni et in factum condicioni et doli, mali sine causa vel iniusta causa et capitullo loquenti de rebus dandis in solutum creditoribus et quod dictam pecuniam non esset versa in utilitate eorum quod predicta renunciatio generaliter non preiudicet speciali nec econverso.

Testes ibi fuerunt vocati et rogati Brunus Gastaldus et Henricus de Travansco et Boyetus Cozolus. Ego Iacobus de Rocolis sacri palacii notarius interfui et rogatus hanc cartam scripsi.