Obbligazione per lire 13 astesi contratta dal Comune di Moncalieri, in persona del Sindaco (...)

Trascrizione a cura di Chiara Pilocane e Chiara Quaranta 

Serie Generale 310

(ST) Anno Domini millesimo CC LXXXIIII, indicione XII, in Monte Calerio, die dominica XVI ianuarii. Georgius Delaripa, sindicus comunis Montis Calerii, sicut aparet per instrumentum plubicum[1] factum manu Vieti Marci notarii anno M CC LXXXII, indicione X, die dominico XXII novembris et cetera, voluntate et precepto marchisii de Galardis teneptis locum domini Iohannis de Alavardo iudice Montis Calerii, cum consensu et voluntate credencie dicti loci, promisit sollenni stipulatione inteveniente mihi notario infrascripto stipulanti et recipienti tanquam plubice[2] persone nomine Berardini et Iseardi Berardis de Ripa ipsos Beradinum et Yseardum in dictos conservare versus homines Ripe, qui restitucione habere debent ab hominibus Montis Calerii occasione cuiudam sint lite inter comune Montis Calerii et comune Ripe sive speciales personas dictorum communum de quantitatem librarum XIII astensium sub obligo omnium bonorum dicti comuni dampnorum, expensarum et interesse restitucione, confitando dictus sindicus ad predictos et instanciam dicti comuni quod predicti Berardinus et Yseardi promiserunt dictas libras XIII eius nomine solucione predictis hominibus Ripe; ad quam quantitatem prosolvendam dictum comune erat obligatum, renunciando exceptioni non facte promissionis, et non posset dicere fore lesum ex dicta promissione, seu (eum) fecisse sine causa vel ex iniusta causa et omnibus iuribus civilibus et consuetudinariis et canonicis quibus contra predicta veniri posset. Quod instrumentum possit meliorari et reffici conscilio sapientus quotiens opus fuerit a sf(…)one rogatu.

Testes Winus Castagnus et  Michelotus Magalus.

Et ego Bertolotus de Piro pallacii notarius hanc cartam scripssi.