Obbligazione del Comune di Moncalieri, essendo castellano Astoldo de Durza, verso Giorgio (...)

Serie Generale 307

(ST) Anno Domini M° CC LXXVII, inditione V^a, in Monte Calerio, die dominica XXIIII in octobri, sub porticu comunis Montis Calerii ubi iura reduntur et credencia choadunatur, in plena et generali credencia Montis Calerii per canpanam et vocem preconis more solito congregata precepto dominorum Arcoldi de Durza eiusdem loci castellani et Iohannis Vassalii eiusdem loci iudicis, in qua credencia erant omnes credendarii dicti loci, quorum nomina inferius denotantur. Brunetus Gastaldus, nuncius dicti comunis, syndicus et procurator predicti comunis a predictis castellano et iudice et credentia constitutus ad pecuniam mutuo accipiendam nomine dicti comunis a domino Georgio de Solario, ut patet per instrumentum factum et compositum per me Wilelmum notarium infrascriptum in eodem anno, die et indicione voluntate predictorum[1] castellani et iudicis et credendariorum, et predicti castellanus et iudex et credendarii voluntate et consensu predictorum castellani et iudicis. Confessi fuerunt quilibet eorum in solidum licet nomine predicti comunis Montis Calerii sese mutuo accepisse et habuisse a domino Georgio de Solario predicto libras XLVI et solidos XV bonorum denariorum viannensium, confidendo predicti syndicus, castellanus et iudex nomine iamdicti comunis et predicti credendarii eorum nomine et nomine dicti comunis voluntate et consensu predictorum castellani et iudicis dictam pecuniam fore versam in utilitatem predicti comunis videlicet ad dandum et solvendum domino Thomaso de Sabaudia comiti ad faciendum portam et turrim receti castri Montis Calerii; quam pecuniam predictus syndicus nomine dicti comunis et predicti castellanus et iudex et credendarii eidem domino Georgio vel eius certo misso presenti et stipulanti da[re] […] promiserunt hinc ad tres menses proxime venturos et ab inde in antea quocienscumque ipse per se vel per alium vel heredes sui eos peciierint et requisiverint sine libelli obllatione et litis contestacione et sine aliqua data et sine aliquo scriptu iudiciorum et sine longa vel exceptione aliqua et sub restitucione mutui, dapni et expensarum et interesse facienda eidem domino Georgio vel suo certo misso vel heredibus suis, credendo eidem domino Georgio et heredibus suis de dapno, de mutuo et expensis et interesse in suo simplici verbo, sine testibus et sacramento et probatione aliqua et pro predictis omnibus et singulis, tam pro debito quam interesse dictus syndicus nomine dicti comunis; et predicti castellanus et iudex et credendarii omnia bona predicti comunis habita et habenda eidem domino Georgio presenti et recipienti pignori obligaverunt et specialiter medietatem molandinorum qua sunt in Monte Calerio pro indiviso cum dicto domino comite videlicet super Pado vivo; quam medietatam asserunt pertinere ad predictum comunem cum omnibus iuribus et rationibus, ingressionibus et exgressionibus et omnibus aliis suis utilitatibus, ad predictam medietatem predictorum molandinorum pertinentibus tali modo et forma quod predictus dominus Georgius et sui heredes et cetera dederit vel alienaverit predictam medietatem predictorum molandinorum habeat, teneat et possideat vel quasi possideat, et fructus et godias existentes et pervenientes et qua de cetero erunt in predicta medietate dictorum molandinorum puro dono percipiat et quicquid voluerit faciat, sine contradicione predictorum, syndici nomine dicti comunis et castellani et iudicis et credendariorum vel cuiuslibet alterius persone nomine ipsius comunis quousque de predictis libris XLVI et solidis XV viannensis et de interesse, expensis eidem domino Georgio vel heredibus plenarie fuerit satisfacionem faciendo ipse dominus G(eorgius) de predictis fructibus et godiis, expensas consuetas et necessarias in predicta medietate predictorum molandinorum ita tamen quod massarius qui est vel erit in predictis molandinis pro predicta medietate molandinorum debeat rendere de omnibus fructibus et godiis, et proventus predicto domino G(eorgio) et eidem dare et tradere et pro ipso domino G(eorgio) stare quousque eidem domino G(eorgio) vel heredibus suis ut supradictum est fuerit plenarie satisfactum; quam medietatem dictorum molandinorum cum omnibus fructibus et godiis et cum omnibus iuribus et accessionibus ad predictam medietatem pertinentibus predicti syndicus nomine dicti comunis, castellanus et iudex et credendarii infrascripti de voluntate predictorum castellani et iudicis eidem domino G(eorgio) presenti et stipulanti varire, defendere et disbrigare promiserunt de omnibus personis et contra omnes personas et universitatem sub restitucione mutui, dapni et expensarum facienda, credendo eidem domino Georgio de predictis in suo simplici verbo sine testibus et sacramento, constituctiones predicti syndicus nomine dicti comunis castellanus et iudex et credendarii[2] voluntate ipsorum sese possesores de predicta medietate molandinorum predictorum et fructuum nomine predicti domini Georgi quousque ipse dominus Georgius vel heredes sui de ipsis possessionem aprehendidit corporalem quam ei vel heredibus suis sua propria actoritate liceat capere cum voluerit sine aliqua requisicione et sine pene incressione et sine metu amissionis iuris sui. Hoc acto stabilito et firmato et promisso eidem domino Georgio presenti et expletanti per predictum[3] syndicum nomine quo supra castellanum et iudicem et credendarios voluntate predictorum castellani et iudicis et per ipsam credenciam quod predicti castellanus et iudex seu subcessores eorum per se vel per alium non debeant celebrare vel facere vel permiti facere aliquod conscilium privatum vel palisium vel arengum vel partitum quod faceret vel facere videretur contra predicta vel aliquod predictorum. Et si facerent ipsi vel subcessores sui per se vel per alium illud conscilium seu reformatio conscilii ex nunc prout ex tunc sit cassum et irritum ipso iure et nullius valoris et pro non facto habetur semper cum omnia instrumenta et singula in sua firmitate manente; et si aliquis credendarius comunis Montis Calerii qui nunc item vel pro temporibus fuerint vel aliquis alius de Monte Calerio diceret in conscilio maiori vel privato seu arengaret sedendo vel stando vel esset departita aliquid quod faceret vel veniret vel facere vel venire videretur contra predicta vel aliquod predictorum pro quolibet et qualibet vice incurrat in pena solidorum C bonorum viannensium; qua pena solvatur et aplicetur et sit predicti domini comitis et quam penam predicti castellanus et[4] iudex qui nunc sunt vel pro temporibus fuerint teneantur excutere in pecunia numerata infra octo dies prius quam fuit ei vel eis denunciatum per predictum dominum Georgium vel per aliquem alium. Et si aliquid capitulum erat vel fieret quod faceret vel facere videtur contra predicta vel aliqua predictorum ipso iure sit cassum et irritum et cassa et irrita et nullius valoris in quantum presenti contractu in omnibus et singulis que in contractu continentur, renunciando predicti syndicus, nomine dicti comunis, et domini castellanus, iudex et credendarii, voluntate et consensu ipsorum, castellani et iudicis eorum nomine et nomine iamdicti comunis exceptioni non habite et non numerate et non recepte pecunie et non facte confessionis predicte pecunie fore versam in utilitatem predicti comunis et exceptioni non superius facte promisionis et non facte obligacionis et exceptioni doli, mali et in factum et conditioni sine causa vel ex iniusta causa et omnibus legibus loquentibus de restitucione universitatis vel rei publice omnibus statutis factis et facturis et consciliis et reformationibus consciliorum et omnibus consuetudinibus approbatis vel non approbatis et generaliter omnibus aliis iuribus et exceptionibus quibus medietatibus contra predicta vel aliquid predictorum de iure vel de facto per sese vel per alium facere vel venire possent; que omnia instrumenta et singula capitula et quolibet per se ut superius sunt scripta in plena et generali credencia instrumenta voluntate et consensu predictorum dominorum castellani et iudicis et credendariorum et precepto ipsorum in anima ipsorum cuiuslibet eorum, vice et nomine predicti comunis, attendere et observare, attendi et observari facere eidem domino Georgio et heredibus suis, ad sancta Dei evangelia corporaliter tacta iuravit syndicus supradictus. Nomina vero credendariorum sunt hec: Iacobus Mirllencus, Culinus de Ramacio, Matheus Lafrancus, Iohannes Ponzillonus, Iacobus Ducus, Bufetus Vuasconus, Bertolotus de Trofarello, Iordanus Piperarius, Antonius Bergognonus, Iacobus Capriolius, Iacobus Marcus, Wilelmus Catius, Petrus Castagnus, Iacobus Zandelas Vayrolius, Wilelmus de Ramacio, Iordanus Truna, Robaudinus Clinintus, Brinius Ponzillonus, Fifa de Valfredo, Iacobus Vuasconus, Oddonus de Bothio, Melanus Foranus, dominus marchisius, Manuel de Cabureto, Iohannes de Engana, dominus Nicholinus Ducus, Ubertus Marcus, Bertolotus de Piro, Merllo de Avocato, Bertinus Platus, Petrus Branincius, Minacius de Castello, Rafinus Wilelmus Castagnus, Wilelmus de Calpice, Petrus de Feya, Gilius Platus, Nicholaus de Ponoto et Maynfredus Marcus.

Testes ibi vocati et rogati fuerunt: Melanus Fichetus, clericus nuncius et Aymo de Altavilla.

Et ego Guillelmus Longus, sacri palatii notarius, interfui et hanc cartam rogatus scripsi.