In Moncalieri, Alberto Merlone, di Chieri, in nome proprio, e suo nipote Riccardo, per se (...)

Serie Generale 302

(ST) Anno dominice nativitatis millessimo ducentesimo septuagessimo sexto, indicione quarta, in Monte Calerio videlicet sulter porticu dicti loci ubi ius redditur et conscilium tenetur, ubi erat credencia Montis Calerii ad sonum campane more solito congregata. Confessi et contenti fuerunt Iordanus Platus, Manuel de Cabureto, Garoninus Crapiolius, Antonius Bergoninus, dominus Georgius de Solario, Petrus Castaneus, Guillelmus Mayalius, Bertinus Platus, Guillelmus Calvus, Ubertus Faravissca, Iordanus Pevererius Veyrolii, Matheus Pevererius, dominus Nicholetus Duchus et Iohannes Poncillonus, Matheus Lafranchus, Zandelinus Borellus, Bertholotus de Piro, Guillelmus de Ramazio et Guillelmus Longus sindicus et actor Montis Calerii ad pecuniam mutuo accipiendam et ad obligandum molandina dicti comunis super Pado vivo fissa et ordinata specialiter et generaliter omnia alia bona dicti comunis Montis Calerii, ut constat per instrumentum sindicatus a me notario infrascripto vissum et lectum et a Bertholoto de Piro notario factum et compositum in eodem anno, mense, die, loco et indicione, unacum supradictis debitoribus, principaliter et in solidum, nomine et vice dicti comunis et universitatis Montis Calerii, et dicti debitores quisque in solidum sese causa et nomine mutui habuisse et recepisse et eis suo et dicto nomine datum, traditum et nu(mer)atum fore ex predicta causa mutui in presencia mei notarii infrascripti et testium infrascriptorum a domino Uberto Merlone de Cario et Ricardo Merlone, eius nepote, suo et patris sui Ardicionis nomine recipientis, libras centum octuaginta quatuor bonorum viennensium monetarum. Quos denarios supradicti debitores, nomine quo supra, quisque in solidum dictis creditoribus ut supradictum est vel eorum certo nuncio stipulantibus et recipientibus suorum heredum suorum nomine dare, solvere et restituere promiserunt usque ad duodecim menses proximos continuos et completos, videlicet in quolibet et singulo mense proximo continuo et venturo, usque ad terminum supradictum duodecimam partem dictorum denariorum, que est librarum XV^cim solidorum VI, denariorum VIII viennensium, et non ultra dictam quantitatem pecuniam detinere vel partem ipsius vel quid ex ea ultra supradictum terminum vel terminos contra voluntatem dictorum creditorum vel eorum heredum et nunciorum aliqua racione; et ca[…] litem aliquam et controversiam eisdem vel eorum nunciis et heredibus non movere vel facere et nullam aliam contrariam defensionem et exceptionem iuris vel facti specialem vel generalem opponere, quominus supradicti omnes et singuli principaliter et in solidum teneantur sub pena et nomine pene LX solidorum viennensium bonorum monetarum pro tota integra solucione et qualibet et singula duodecima parte ut supradictum est. Et solucione scilicet duas partes ipsius pene a dictis debitoribus quolibet eorum in solidum, nomine quo supra, ipsis creditoribus vel eorum nunciis et heredibus danda et solvenda stipulacione promissa et terciam partem dicte pene mihi notario sepedicto stipulanti et recipienti nomine domini Thome de Sabaudia eorum domini. Que pena tociens comitatur exigi, accepi et haberi possit quociens contra actum foret supradictis terminis et quolibet et quibuslibet aliis similibus subsequentibus terminis quibus steterint et cessaverint ad faciendum soluctiones predictas. Et pena solucta vel non omnia et singula supradicta et infrascripta rata et firma maneant et perdurent et supradictam soluctionem et soluctiones facere ut supra sollepniter promiserunt in quocumque loco et foro ubicumque dicti creditores vel aliquis ipsorum vel eorum certi nuncii ab eisdem debitoribus vel quolibet ipsorum sibi facere petierint et eos convenire voluerint, videlicet tam penam quam sortem. Item promiserunt eisdem creditoribus stipulantibus dicti debitores quisque in solidum, nomine quo supra, dare, reficere et restituere omne dapnum, mutuum et expensas cum omni interesse quod et quas ipsi creditores vel eorum certi nuncii pro hoc debito exigendo fecerint, habuerint aut passi fuerint eundo, redeundo vel moram ibi faciendo iudicaturam, dando ipsos denarios sub usuris ab[1] aliis mutuando causa mutui iudicibus vel alio modo, credentes eis in eorum simpli(ci) verbo vel nunciorum suorum sine testibus, sacramento et alia probatione facienda. Et inde predicti debitores ita quod quilibet eorum in solidum teneant omnia eorum bona et dictus sindicus et actor molandina predicta Montis Calerii ipsis creditoribus specialiter pignori obligaverunt et generaliter omnia alia bona dicti comunis; ita quod speciale pignori non preiudicet generali nec generale, speciale quorum molandinorum fructus sive godias possint et debeant accipere et penes se retinere et haberi et capi facere in soluctione debiti supradicti tam sortis quam pene computare, usque ad plenam et integram soluctionem tocius debiti sepedicti de quibus molandiniis et eorum fructibus et godiis dictus sindicus, nomine dicti comunis, eisdem creditoribus dedit et tradidit corporalem possessionem vel qua(s)i; qui sindicus precario iure, nomine quo supra, pro predictis creditoribus dicta molandina cum fructibus et godiis et ipsorum nomine possidere constituit usque ad integram soluctionem et satisfactionem omnium predictorum vel quasi, renunciantes nove constitucioni de pluribus reis debendi, fori privillegio, epistule divi Edriani[2], exceptioni doli et condictioni ex iusta causa vel ex iniusta causa, et omnibus aliis legum auxilio, quibus contravenire possent et pariter sese tueri, dicendo et protestando dictus sindicus et actor dictos denarios in maximam dicti comunis utilitatem foret versam[3], videlicet in soluctione gravium debitorum que dictum comune Montis Calerii Bertulino de Episcopo et Bertholoto de Trofarello et Brugne de Romano et pluribus aliis dare tenebantur et choartabantur[4] sub gravi et importabili condictione ex qua dictum comune valde lessum erat et cotidie ledebatur. Preterea inter supradictos contrahentes expressim actum extetit et conventum quod, si dissensio aliqua quod dominus advertat inter homines Montis Calerii et eorum dominum et comune Carii oriretur, quod ex nunc supradicti creditores et eorum nuncii habeant et habere debeant plenam et integram fidanciam et liberum absoltum eundi, redeundi ad Montem Calerium et ibi standi et conversandi usque quo eis fuerit de supradicto debito plenarie satisfactum. Ita quod predictum debitum aliquo cambio vel represalis factis et faciendis possit impedi, quo minus illud integre possit habere, petere et precipere pacifice et quiete. Item quod comune Montis Calerii constituat et ponat ex nunc massarium vel superstantem qui accipiendi fructus sive godias dictorum molandinorum habeat potestatem dictorum creditorum nomine atque balliam dictis creditoribus deliberandi et tradendi. Ita quod non possit compelli per castellanum qui nunc est et pro temporibus fuerit dictos fructas[5] et godias aliis quam dictis creditoribus vel eorum nunciis exhibere. Et si dictus massarius vel superstans occasione predicta penam aliquam incidetur quod ex nunc ipso iure ab ea liberetur et sit penitus absoluctus. Item quod expense alique per comune Montis Calerii vel aliquam personam ipsius comunis nomine possint fieri a ponte Montis Calerii, supra quo possint nec debeant accepi et haberi et extrahi ex fructibus et godiis dictorum molandinorum vel ab aliquo ipsorum. Que omnia et singula supradicta dictus sindicus attendere et observare et non contrafacere vel venire in animam et periculum animarum omnium et singulorum de conscilio Montis Calerii, libro corporaliter tacto, iuravit. Actum est ut supra die iovis X° setempbris.

Interfuerunt testes Nicholetus de Ramacio, Iohannes Truna, Ardicio de Peracio, dominus marchio iudex, Minacius de Castello et Antonius de Castello.

Ego Iacobus de Podio, notarius sacri palatii, hiis interfui et de voluntate dictorum contrahencium sic scripsi.