Obbligazioni di metà del reddito dei mulini di Moncalieri a Giacomo di Selberico, già (...)

Serie Generale 301

(ST) Anno Domini millesimo CCLX^oX^oV^oI, indicione IIII^a, in Monte Calerio, die VIIII mensis septembris. In pleno conscilio Montis Calerii, precepto domini Petri de Castellionis, castellani dicti loci, et domini Iohannis Vaspallii iudicis loci eiusdem per[1] canpanam et voce preconis more solito congregato, Willelmus Longus sindicus dicti comunis generalis, sicut constat per publicum instrumentum conditum manu Bertoloti de Piro notarii hoc eodem die, et omnes consciliarii dicti loci qui ibi adderant nemine discrepante, nomina quorum inferius apparebunt, fuit confessus et confessi fuerunt quisque eorum in solidum, eorum nomine et nomine dicti comunis, sese debere dare domino Iacobo de Selberico, civi astensi olim potestati Montis Calerii, pro rexiduo et omne rexidui salarii sue potestarie libras LXXXVIII bonorum astensium minutorum, unde dictus dominus Iacobus habebat instrumentum librarum LXXXX bonorum imperyalium factum manu Willelmi Marcui notarii currente in eo MCCLVI, indicione XIIII, in Monte Calerio, die sabati X intrante iunio, renunciando ne possent dicere se fore obligatus sine causa vel ex iniusta causa vel obturpem. Quos denarios ei vel suo certo misso solepni stipulacione solvere promisserunt incontinenti post solucionem factam domino Oberto Merloni de debito quod ei dare tenetur comune Montis Calerii, sicut continet quoddam intrumentum factum manu Iacobi de Podio notarii de Cario specialiter de omnibus reddittibus, obventionibus et proventibus molendinorum Montis Calerii silicet medietatis expensis solo modo librarum VI viannensium quas dare tenetur omni anno comune fratribus et in oribus et expensis necessariis dictis molendinis; quos redditus, obventiones et proventus factam dictam solucionem incontinenti, sicut superius denotatur, dictus dominus Iacobus vel eius certus nuncius habeat, teneat et poscideat donec de dicto toto suo debito librarum LXXXVIII astensium fuerit plenaria per solutione, computando senper in dicto debito et solutione omne id quod ceperit de dictis redditibus, obvenctionibus et proventibus et tamen dem(inu)endo de debito suprascripto quantum per eum vel suum nuntium fuerit habitum vel receptum et incontinenti facta solucione dicti debiti Oberti Merli. Dicti sindicus et consciliarii universi constituerunt sese poscidere dicta molendina, nomine et vice dicti domini Iacobi, donec de predictis corporalem apprehenderit possessionem quam liceat ei ingredi et apprehendere cum voluerit, autoritate propria quos redditus, obventiones et proventus dictorum molendinorum sicut superius est notatum. Dictus sindicus et consciliarii supradicti, tam eorum nomine quam nomine dicti comunis, solepni stipulacione promisserunt eidem domino Iacobo deffendere et varire ab omni homine cum racione sub pena dupli, dapno et expensis et interesse restitucione, credentes inde de omnibus et singulis supradictis in eius sinplici verbo sine aliquo iuramento et aliqua alia probatione et inde dictus sindicus et consciliarii universi sese et omnia bona sua et dicti comunis eidem domino Iacobo pignori obligavit ei magis gratia usque ad plenam et integram ut supra legitur solucionem, ita quod obligacio specialis non noteat generali nec generalis obligacio noteat speciali, renunciando inde dicti sindicus et consciliarii universi in hoc facto fori privilegio, nove constitucioni, epistule divi Adriani et omni statuto facto in Monte Calerio vel facturo scripto vel non scripto et omnibus aliis moribus, consuetudinibus hinc renovactis vel consuetis. Et si fore quod dominus advertat eidem domino Iacobo foret de predictis in aliquo contrafactum quod ipso de omnibus suis iuribus, instrumentis et in omnibus posscit uti contra comune vel singulares homines Montis Calerii, sicut facere posset vel poterat causa confectionis presentis publici instrumenti. Hec autem omnia et singula suprascripta attendere et observare et non contravenire Brunetus Nuncius super animam ipsorum et eorum precepto iuravit corporaliter tacto libro. Nomina vero credendariorum sunt hec: Manoel de Cabureto, dominus marchissius, Obertus Marcus, P(etrus) Castaneus, Willelmus Mayalis, Iacobus Traviollus, Bertinus Platus, Erro Canpagninus, Oddonus de Botio, Iohannes de Engana, Iacobus Ducus, Buffetus Vasconus, Petrus de Conrado, Brigna de Romano, Iordanus Platus, Iordanus Piperarius, Iacobus Vayrolius, Iohannes Saxus, Antonius Bergognonus, Iohannes de Engana, P. Baynencius, Obertus Falavisca, Iohannes Punzillonus, Iacobus Zandela, Zuffus de Rubbis, Robaldinus Clinintus, Garoninus de Romano, Willelmus Longus, Willelmus Castaneus, Iohannes Piperarius, Iordaninus Truna, Henricus Marcus, Willelmus Cazius et Brunus Punzillonus, Willelmus de Calpice, Ruffinus Clinintus, dominus G(eorgius) de Solario, Willelmus Calvus, Rudulfus Papalardus, Nicholetus de Peonoto, Minacius de Castello, Bertolinus de Episcopo, Rodulfus Barenayus, Bertolotus de Piro, Willelmus de Ramacio et Antonius de Lagura, Henricus de Calpice, Ardicio de Peracio, Albertus Marcus, Matheus Lafrancus et Nicholinus Mayalis.

Testes ibi fuerunt vocati et rogati Brunetus Gastaldus clericus de Cabureto, Mellanus Fichetus, Culinus de Ramatio et plures alii.

Ego Matheus Piperarius notarius hiis interfui et hanc cartam rogatus ut supra scripsi.