Mutuo di soldi 35 dato da Giacomo Vascono al Comune di Moncalieri, rappresentato da Corrado (...)

Serie Generale 300

 

(ST) Anno Domini millesimo C^oCLX^oXVI, indicione quarta, in Monte Calerio, die veneris XXIIII in iulio. Dominus Cunrard de Ruxiglono tene(n)s locum domini Petri de Çastelglono castellani Montis Calerii et dominus Iohannes Vaspallius, eiusdem locii iudex, nomine et vice comunis et consilii Montis Calerii et ipsi consiliarii per campanam more solito congregati, nomine et vice dicti comunis et nemine discrepante, fuerunt confessi se debere dare Iacobo Vascono solidorum XXXV bonorum viannensium pro emenda et restitucione cuiusdam vinee qua eidem Iacobo furtive anno presenti fuit devastata, iacente in Mayrano cui coherent heredes domini Willelmi Vaschi, via et Willelmus Cazius; quos denarios eidem Iacobo, nomine quo supra vel suo certo misso, per stipulacionem dare et solvere promiserunt usque ad terminum quod continetur in capitulo Montis Calerii proxime venturum, quo loquitur de emendacionibus faciendis; et si tunc non solverint, promiserunt ei, nomine quo supra, restituere omne mutui dapnum et expensas, quos et quas dictus Iacobus inde fecerit vel passus fuerit, termino in antea pro predictis denariis exigendis et recuperandis sub obligacione omnium bonorum dicti comunis pignori eidem Iacobo magis gratia usque ad plenam et integram solucionem, renunciando inde omni placito et non debite emende et restitucioni et omnique legum auxilio.

Testes ibi fuerunt vocati et rogati Melanus Sichetus nuncius comunis et Ugo de Lazambra. Ego Niger de Gorio, sacri palazii notarius, hanc cartam scripsi.