Vendita di una giornata di terreno nel luogo detto "terra rossa" fatta da Minacio di Castello a Giovanni Fabro (...)

Serie Generale 298

 

(ST) Anno Domini millesimo CCLXXV, indicione tercia, in Monte Calerio, die iovis XI in aprili. Willelmus qui dicitur Minacius de Castello per se suosque heredes vendidit et tradidit in perpetuum et per alodium Iohanni Fabro peciam unam terre dictam iornate I, sine plus ne minus, fuerit iacentem prope ulmum de podio, ubi dicitur in terra rossa, cui coherent dictus emptor et dictus venditor et heredes Vioti Corneti et, si alie ibi sint coherentie, permaneant pretio ab eo inde accepto solidorum C bonorum viannensium, renunciando exceptioni non recepte et non numerate pecunie, et se non fore deceptum ultra dimidiam iusti precii paratem[1], tali modo ut ab inde in antea dictus emptor suique heredes dictam terram cum omnibus pertinentiis suis habeat, teneat et possideat in perpetuum, iure proprietario et inde faciat quicquid voluerit sine contraditione ipsius venditoris suorumque heredum; quam ei per stipulationem varire et defendere promixit ab omni persona cum ratione sub pena dupli secundum quod res pro tempore meliorata fuerit aut plus valuerit in consimili loco, sub exstimacione bonorum hominum et sub obligacione omnium bonorum ipsius venditoris, pignori, dapni et expensarum restitucione, constituendo se, nomine ipsius emptoris, possessionem donec inde corporalem aprehendit, possessionem quam ei sua auctoritate aprehendere liceat cum voluerit, insuper eodem anno et indicione, die iovis secundo exeunte augusti per sentenciam, Uberto Bonafanto et Petro Ramello testibus vocatis et rogatis. Bertolinus filius dicti Willelmi, precepto et voluntate dicti Willelmi, confirmavit, aprobavit et ratificavit eidem Iohanni supradictam venditionem et omnia et singula qua supra continentur, promisit quod contra predicta vel aliquo predictorum non veniet vel contrafaciet, sub obligacione omnium bonorum suorum, pignori, dapni et expensarum restitucione, asserens se maiorem esse annorum XIIII, et ita ut supra scribere, atendere iuravit dictus Bertolinus et non contravenire a sancta Dei evangelia, renunciando inde omni placito, nove constitucionis et cetera et omni iuri et privilegio minoris etatis omnique legum auxilio et cetera.

Testes ibi fuerunt vocati et rogati Banzanus Borellus et Albrionus Marcus. Ego Iacobus de Rocolis, sacri palazii notarius, interfui et rogatus scripsi.