Quitanza di 160 lire segusine rilasciata dal Comune di Moncalieri a Daniele Solaro (...)

Serie Generale 297

 

(ST) Anno Domini millesimo CCLXXIII, indicione prima, in Monte Calerio, die XIII mensis februari. In plena credencia Montis Calerii in ecclesia Sancte Marie per canpanam et voce preconum more solito congregata, ubi erant due partes consciliariorum et plus dominus Fredericus Zacharengus, iudex et rector eiusdem loci, voluntate conscilio et assensu omnium conscilariorum dicti loci, quibus adderant, quorum nomina inferius continentur. Et ipsi consciliarii nemine discrepante confessi fuerunt et processati sese nomine et vice dicti comunis ex causa mutui habuisse et recepisse a domino Danielle de Solario cive astensi libras centum sexaginta bonorum denariorum secusinorum seu viannensium, renunciando exceptioni non numerate pecunie, doli et in factum et sine causa et spei future numerationis et privillegio sive prescriptioni fori et omni alii iuri quo se tueri possent, confitentes eciam et protestantes et asserentes dictam pecuniam versam esse et procesisse in evidentem utillittatem et profictum magnum dicti comunis, silicet in solutione et expedicione cuiusdam debiti librarum mille et V^C eiusdem monete quas dictum comune dare debuerat et aduc dare debebat pro magna parte dominis Alexandro et Dunioto de Solario, civibus astensibus, pro quibus dictum comune obligaverat et vendiderat sive dederat insolutum eisdem dominis Alexandro et Dunioto omnes redditus et proventus molendinorum predicti loci, ut apparebat per instrumentum inde factum manu Bertoloti de Piro notario sub anno Domini MCCLIII, indicione XI, die martis et de quibus omnibus quamplures homines dicti loci constituerunt sese debitores, solutores et observatores pro dicto comuni versus eosdem dominos Alexandrum et D(uniotum), secundum quod constabat similiter per aliud instrumentum inde factum ab eodem Bertolotum notarium eodem anno et die et loco et indicione, et quod debitum librarum MV^C sive que instrumenta cum magno peryculo inminebant dicto comuni expediendi et ad dictam solutionem et expeditionem predictum comune[1] pecuniam non habebat nec habere poterat nec accipiendo causa mutui nec invenire poterat ipsum mutuum ab alio ita bene nec ita utiliter pro ipso comuni sicut a predicto domino Daniello secundum quod per infrascriptas convenciones maniffesto aparet, unde supradicti iudex et consciliarii vice et nomine predicti comunis obligaverunt predicto domino Danielli pro supradictis libris CLX secusinorum totam partem silicet medietatem molendinorum predicti loci cum omnibus redditibus et proventibus atque perceptionibus ipsius medietatis molendinorum sive ad ipsam medietatem dictorum molendinorum pertinentibus quoquomodo et quocumque nomine dici possent, confitentes et constituentes predicti iudex et consciliarii pro dicto comuni sese tenere et poscidere dictam medietatem molendinorum et dictis redditis et proventis nomine dicti domini Danielis quousque ipse ex eis corporalem vel quassi possessionem acceperit quam possit et ei inpune liceat apprehendere sua propria autorictate et tenere secundum infrascriptas convenciones quascumque voluerit, per se vel per alium quemlibet sine requisicione seu licentia alicuius domini vel castellani seu iudicis vel rectoris predicti loci, non obstante contradicione dicti comunis vel alicuius persone pro ipso comuni, tali modo quod dictus dominus Daniel per se et successores suos et per quemcumque voluerit statim postquam fuerit sastisfactum de redditibus dictorum molendinorum illis debittoribus, quibus comune predictum ante obligationem predictos redditus sive qu[...] solutiones super ipsius redditibus faciendas colocavit et ordinavit, silicet Willelmo Vigono de Cario, Bertolino de Episcopo de Monte Calerio illis clientibus Montis Calerii qui fuerunt anno preterito apud Pinayrolium ad peticionem vicarii Pedemontis pro quadam iusticia facienda, et illis similiter qui fuerunt Cargnani domino Henrico de Ripalta habeant, teneant et possideant predictam medietatem molendinorum et redditus et proventus omnes inter obvenientes vel percipiendos habeant et percipiant insolutum, et quod solutione debiti supradicti librarum CLX secusinorum, quousque sibi fuerit de toto ipso debito et de dapno, expensis et interesse que et quas sustineret aut faceret in iudicio et extra quocumque modo. Si tunc oventiones suprascripte et infrascripte sibi non observarentur et per predictum comune fuerit integre satisfactum, recipiendo tamen dictos redditus et proventus et specialiter granum freisaxum et farinam per manus massariorum sive ab ipsis qui essent in dictis molendinis pro dicto comuni, et ab illud precium sive pro illo precio pro quanto venderetur seu vendi posset generaliter vel comunaliter in foro Montis Calerii. Hoc salvo et excepto quod dictum comunem sive predicti massarii vel aliquis alius pro dicto comuni non possit nec debeat ullo modo nec ulla occasione aliquid diminuere vel accipere vel pati seu permitere quod diminuatur vel accipiatur aliquid de predictis redditibus seu proventibus absque consensu et voluntate ipsius domini Daniellis, postquam fuerit satisfactum aliis credictoribus supradictis nissi pro expensis, utilibus et necessariis faciendis ad opus dictorum molendinorum. Et hoc iurare facere teneatur dictum comune atque precipere omnibus massariis sive superstantibus molendinorum qui pro tempore fuerint pro ipso comuni quousque ei fuerit de toto dicto debito satisfactum. Hec autem omnia et singula suprascripta predicti iudex et consciliarii nomine et vice dicti comunis iamdicto domino Danielli stipulanti, pro se et successoribus suis vel ab eo causam habentibus, tradere et integraliter observare et non contravenire nec contrafacere in aliquo de predictis ullo modo nec ullo tempore et supradictos redditus et proventus ei deffendere et expedire ab omni persona, colegio et universitate, et non permitere, inpediri vel auferi de facto vel de iure ab aliqua persona sub obligacione omnium bonorum dicti comunis et cum restitucione omnium dapni, expensarum et interesse que et quas ipse dominus Daniel vel aliquis eius successor vel causam habens ab eo proinde sustinerent aut facerent quoquo modo, credendo senper eis in suo sinplici verbo, sine iuramento et sine ulla probacione, renunciando in omnibus et singulis supradictis omni placito et omni dilacioni, exceptioni et capitulo Montis Calerii et omni alii iuri quo dictum comune se tueri posset; et sicut suprascriptum est in omnibus et singulis attendere et observare et non contravenire nec contrafacere in aliquo, iuravit ad sancta Dei evangelia clericus de Cabureto nuncius dicti comunis, precepto et voluntate omnium predictorum consciliariorum super animabus ipsorum. Nomina vero predictorum consciliariorum sunt hec: Peracius de Romano, Ardicio eius filius, Iacobus Traviolus, Zuffus de Ruliis, Henricus de Candiolio, Iacobus Marcus, Iordanus Platus, Nicholinus Platus, Iohannes Truna, Iordanus Piperarius, Antonius Bergognonus, Matheus Piperarius, Willelmus Longus, Petrus Casteneus, Willelmus eius frater, Aprilis Longus, dominus G(eorgius) de Solario, Garoninus de Romano, Petrus Braynencius, Sucius de Romano, Henricus de Valfredo, Brigna de Romano, Petrus de Conrado, Iacobus Vasconus, Otto Canpagninus, Ardicio[2] de Borio, Brunus Pungillonus, Iohannes Pungillonus, Matheus Lafrancus, Bertolinus Romagnanus, Manoel de Cabureto, Iohannes Mayalis, Willelmus Mayalis, Bertolinus de Episcopo, Robaldinus Clinintus, Turinus Borel, Catanius Vayrolius, Mellanus Ducus, Bertolotus de Piro, Obertus Falavisca, Willelmus de Ramacio, Albrionus Marcus, Henricus eius frater, Iohannes Saxus, Iacobus Vayvayrolius[3], Henricus de Calpice, Raffinus Clinintus, Iacobus Zandela, Nicholetus de Peonoto, Bertinus Platus, Minacius de Castello, Iohannes Piperarius, Willelmus Calvus et Rodulfus Papalardus.

Testes ibi fuerunt vocati et rogati Stephanus nuncius, dominus Iacobus Bulla et Iacobus Bulla eius nepos, anbo de Astis, et Henricus Tranavas.

Ego Matheus Piperarius, notarius sacri palacii predictis interfui, et hanc cartam rogatus ut supra scripsi.