In Asti, in Piazza S. Martino, il, Comune di Moncalieri si obbliga in 1000 lire verso (...)

Serie Generale 292

 

(ST) Anno Domini millesimo ducentesimo septuagesimo secundo, indicione XV^a, die martis XVIIII mensis ianuari, in presentia testium infrascriptorum. Cum appareret per instrumentum unum factum per Bertholotum de Piro notarium in anno Domini MCCLIII, indicione XI^a, die martis X^a intrante februario quod Guillelmus Marcus, Iordanus Platus, Iordanus Piperarius, Fonus de Calpice, Iohannes Truna, Albricus Truna, Matheus Piperarius, Aprilis Longus, Orovius de Romano, Bizius Marcus, Bunivardus Caizonus, Granerius Garuninus, Iacobus Vagnonus, Sucius de Romano, Nicolaus Bergognonus, Donatus Cugana, Iacobus del Prevosto, Petrus Magnanus, Ravetus de Canevis, Bergoncius Sacius, Peracius de Romano, Vitelmus Granerius, Iacobus nepos Henrici Marcus, Iacobus de Trofarello et Pisis, dominus Rufinus de Montafia, Iohannes Recagnalus, Valfredus Calvus, Ubertus Marcus, Fredericus de Calpice, Philipus Dominarum, Rosetus Zandela, Narzorbus Petrus de Vigna, May(nfredus) Merllo, Vercellinus Canis, Iacobus Pixanus, Ubertus Falavischa, Vido Romaus, Iohannes Binellus, Iacobus de Vayro, Guillelmus de Valle, Nicolaus de Podio, Rovacius Pagla, Spinellus de Laval, Iacobus Panzonus, dominus Maifredus iudex, Vido de Episcopo, Ubertus Bagellus, Manoellus de Cavoreto, Iordanus Magalus, Gavarus notarius, Iohannes Magallus, Melanus Ducus, Franchinus de Castro, Iohannes Varnerius, Ber[...]dus Vincentius et Guillelmus Corbarandus, omnes suprascripti de Monte Calerio, quilibet usque in libris XXV secusinorum suo nomine et principaliter promiserunt dominis Alexandro et Donioto stipulantibus se facturos et curaturos cum effectu quod comune Montis Calerii attendet et observabit dictis Alexandro et Donioto et omnibus ab eis causam habentibus omnia ea que continentur in instrumento eis facto de venditione redituum sive godiarum sue obligacionis molendinorum comunis Montis Calerii, scripto per me Bertholotum de Piro infrascriptum notarium sub anno predicto, in hoc presenti instrumento et die et hora et eisdem testibus presentibus, et solucionem dictam in eodem instrumento librarum mille et quingentarum secusinorum cum pena, dampno, interesse et expensis, que fuerunt prestanda eisdem Alexandro et Donioto integraliter. Et si dictum comune predictam solucionem non faceret vel predicta que continentur in iam[1] dicto instrumento non attenderent, tunc predicti quilibet usque in libris XXV secusinorum predictam solucionem facerent et predictam attenderent dictis Alexandro et Donioto cum stipulacione submissa et cetera dicti instrumenti. Ecce quod dicti Alexander et Doniotus ex causa vendicionis ante solucionem eis factam dederunt, cesserunt atque mandaverunt domino Danielli de Solario omnes eorum ractiones et actiones et iura reales et personales, utiles et directas, realia et personalia, utilia et directa, que et quas ipsi seu alter eorum habent vel exigere possent vel habere vissi sunt seu que eis conpetunt seu conpetere possunt adverssus omnes suprascriptos homines et quemlibet ipsorum et heredes eorum et verssus res et bona isporum et cuiuslibet ipsorum et que sunt vel fuerunt ipsorum et adverssus detenctatores et possessores ipsarum rerum et bonorum pro ipso debito et occasione ipsius debiti librarum mille et quingentarum seccusinorum, et pro predicta vendicione et occasione ipsius vendicionis ut supra continetur in instrumento predicto superius denotato, tali modo quod dictus dominus Daniel de predictis actionibus, ractionibus et iuribus ita possit agere, causari, deffendere, intentare, replicare, excipere et experiri, monere, tueri et uti et modis omnibus se iuvare adverssus omnes predictos homines et quemlibet ipsorum et heredes eorum et res et bona ipsorum et cuiuslibet ipsorum et que sunt vel fuerunt ipsorum et adverssus detentiones et possessiones ipsarum rerum et bonorum et adverssus quamlibet aliam personam; et de instrumento predicto cum conventu eiusdem realiter et personaliter, utiliter et directe quemadmodum dicti Alexander et Doniotus ante hanc cessionem facere poterant ipsi seu alter eorum seu facere possent si hanc cessionem non fecissent; et ad predicta facienda constituerunt ipsum Daniellem procuratorem ut in rem suam. Et post cessionem predictam actionum, raccionum et iurium fuerunt confessi dicti Alexander et Doniotus sese habuisse et recepisse a predicto domino Danielle nomine procuratorio earum libras mille et quingentas seccusinorum, renunciando exceptioni non numerate pecunie et precii non recepti et omni iuri et exceptioni. Actum Ast(ae) in platea Sancti Martini; testes Thomas de Baenis, Manuel Augustus, Bertholdus Augustus, Francischus de Solario, filius domini Petri de Solario condam, Facinus de Solario et Facinus Cazo et Rollandus Cazo. Et ego Paganus de Bozo(la)sco notarius palacii interfui et scripsi.