Quitanza di Guglielmo Vigono a favore del Comune di Moncalieri (18 settembre - 28 agosto). (...)

Serie Generale 291a

 

(ST) Anno Domini millesimo CCLXXI, indicione XIIII^a, in Monte Calerio, die veneris XVIII mensis septembris. De quodam debito librarum CCL viannensium, quod comune Montis Calerii sive homines speciales dicti loci nomine dicti comunis dare tenebatur Willelmo Vigono ut patet per pubblicum instrumentum factum per Bernardum Dodolum et a me notario infrascripto vissum et lectum currente in anno illius instrumenti MCCLXX, indicione XIII, die martis X mensis iunii, fuit confessus dictus Willelmus se habuisse a Iacobo Gandela massario molandinorum, dante et solvente vice et nomine dicti comunis sive hominum specialium predictorum, libras X bonorum viannensium, renunciando exceptioni non numerate pecunie et non recepte, unde fecit dictus Willelmus eidem Iacobo nomine supradicto stipulanti pacem et finem omnimodam absolutionem pactum de non petendo nec ulterius aliquod exigendo, usque in predictam quantitatem; et promixit quod de inceps per se nec per aliquam submissam personam versus dictum Iacobum nomine quo supra stipulante nulla faciet requisitionem nec molestiam, set tacitus et contentus perpetuo permanebit sub obligo omne bonorum suorum dampni et expensarum restitucione renunciando omni placito omnique legum auxilio quo mediante contravenire posset.

Testes ibi fuerunt vocati et rogati Bernardus Dodolus, Saviotus Satus.

Ego Matheus Lafrancus notarius sacri palacii interfui hanc cartam rogatus scripsi.