Quitanza di Guglielmo Vigono a favore del Comune di Moncalieri (1 giugno).

Serie Generale 289 - Trascrizione a cura di Chiara Pilocane e Chiara Quaranta

 

(ST) Anno Domini millesimo CC LXXI, indicione XIIII, in Monte Calerio, die lune primo in iunio. Confessus fuit Villelmus Vigonus de Cario se habuisse et recepisse a Iacobo Gandella massario molendinorum comunis Montis Calerii, nomine et vice dicti comunis, libras XXIIII, solidos X bonorum viannensium, renunciando septioni non recepte et non numerate pecunie, de uno debito, libras LIIII solidos X quas comunis ei dare tenebatur, unde erat strumentum facitum per me notarium infrascriptum anno in eo currente millesimo CC LXV, indicione VIII, in Monte Calerio, die lune VII in decembri, de libris CLXXVI viannensibus, tali modo quod dictus Villelmus tacitus et contentus permanebit et nullam mollestiam nec requisicionem per se nec per allias submissas personas facerit versus predictum comune usque ad quantitatem predictam de libris XXIIII, solidis X (…) de inceps in antea.

Testes ibi fuerunt vocati Bertollinus Platus et Iacobus Faber.

Ego Villelmus de Candiollio notarius hanc cartam ut supra rogatus fui, tradidi et scripsi.