In Moncalieri, nella chiesa di S. Maria, Guglielmino fu Giacomo Vigono, di Chieri, dà in (...)

Serie Generale 287 - Trascrizione a cura di Chiara Pilocane e Chiara Quaranta

 

(ST) Anno Domini millesimo CCLXX, indicione XIII in ecclesia Sancte Marie de Monte Calerio, die martis X mensis iunii. Presentibus testibus inferius nominatis, in plena et generali credencia comunis Montis Calerii, in ecclesia Montis Calerii ubi dicta credencia erat per canpanam more solito congregata et eciam voce preconis precepto domini et mandato domini iudicis comunis Montis Calerii, qui ibi fecit partitam nemine discripante, confessi fuerunt omnes infrascripti quilibet in solidum consiliarii dicti loci et sindici similiter, silicet dominus Socus de Romano et Bertolotus de Piro sindici comunis Montis Calerii ut dicebant et ut asserebant et tam consiliarii quam sindici infrascripti omnes de dicta credencia, silicet Iordanus Platus et dominus Georgius de Solario et Iacobus Platus et Ardicio de Peracio et Petrus Castagnus et Michael Platus et Petrus de Conrado et Michael de Paonoto et Robaldinus Clementis et Brugna de Romano et Garroninus de Romano et Roffinus Clementis et Manoellus de Caurreto et Ubertus Marchoardus et Iacobus Marchoaldus et Antonius Bergognonus et Wilelmus [Ma]rchoaldus et Ubertetus de Cavorreto et Iacobus Capriolatus et Albrionus Marchoaldus et Wilelmus Mayalis et Wilelmus Cazius et Henricus Marchoaldus et Wilelmus Calvus et Redulfus Papalardus et Wilelmus Castagnus et Iordanus Mayalias et Iacobus Vayrolius et [Io]rdanus Piperarius et Bertinus Ponzilglonus et Iohannes Saxius et Redolfus Ducus et Oddonus Canpagninus et Petrus Braymancius et Iordanus Truna et Ardicio de Botio et Catanius Vayrolius et Ubertus Falavisca et Henricus de Cualfredus et [Min]acius de Castello et Matheus Lanfrancus et Aprilis Longus et Bertolinus de Episcopo et Mayfredus Truna et Bertinus Guitonus et Wilelmus Longus et Oddonus Mogayronus et Iacobus Zandela et Antonius de Gurra et Zandelinus Borellus et Henricus de Candiolio, dominus marchixius iudex et Iohannes Piperarius et Melanus Duchus et Iohannes de Engana, omnes suprascripti pro se et super sese quilibet in solidum fuerunt confessi, taciti et contenti eorum nominibus propriis et [nomine] comunis Montis Calerii sese mutuo accepisse ab Wilelmino Vigono filio condam Iacobi Vigoni de Cario CCL librarum bonorum viannenxium monete, renunciantes tam suo proprio nomine quam vice et nomine dicti comunis exceptioni non numerate pecunie et exceptioni doli et in factum sine causa et ex iniusta causa et spey future numeracionis et omni alii iuri quo se vel dictum comunem tueri possent, confitentes eciam et asserentes omnes suprascripti consiliarii et sindici eorum propriis nominibus et dicti comunis predictam pecuniam processisse et positam seu conversam esse in profectum et utilitate dicti comunis Montis Calerii et especialiter pro solvendis et in solvendis quibusdam debitis, usuriis, que debita dicto comuni solvenda graviter et sub usuris gravibus inminebant et a que solvenda ipsum comunem pecuniam non habebat nec habere poterat ullo modo cum minori dapno sive incomodo quam in presenti contractu [...] erant res aliquo in bonis dicti comunis de quibus predicta pecunia ad opus dicti comunis haberi posset prout hec omnia dicti sindici et consiliarii dicebant et asserebant et confitebantur et y(d)circho se ipsos omnia bona sua ex certa sciencia et expontania voluntate de predicto debito, sicut supra continetur, principaliter obligaverunt; quas CCL libras viannensium supradicti sindici et consiliarii, tam nomine dicti comunis et pro utilitate predicti comunis quam suis propriis nominibus, quilibet eorum in solidum renunciantes novis constitucionibus de fideiussoribus et de pluribus reis debitorum et epistule divi Adriani et privilegio sive prescripcioni fori, ita quod ubique et sub quolibet magistratum seu iudice possit ipsi et res eorum de predicto debito et de omnibus infrascriptis conveniri personaliter et realiter et exigi cu(m) efectu et cum alii iuri ecclesiastico et civili scripto et non scripto, generali et especiali, promiserunt iam dicto Wilelmino Vigono stipulanti dare et solvere secundum quod inferius continetur, vidilicet quia pro predicto debito obligando ipsi Wilelmino pignori exprexim et specialiter omnia molandina dicti comunis sive ad ipsum comunem quoquo modo pertinencia in toto vel pro parte et omnes redditus et proventus ipsorum molandinorum pertinentes ad dictum comunem, quocumque modo vel quocumque de causa et ex nunc predictum Willelminum in possessionem corporalem et quasi possessionem predictorum omnium molandinorum et reddituum eorundem intrare et esse, iusserunt et voluerunt, nomine dicti comunis et suis propriis nominibus, confitentes et constituentes omnes supradicti sindici et consiliarii, nominibus quibus supra, sese et dictum comunem tenere et possidere ex nunc molandina predicta ipsius Wilelmini nomine creditoris et precario ab eo quocumque ipse Willelminus ex eis possessionem apprenderit corporalem, quam possit et ei liceat sua propria acturitate[1] accipere quandocumque voluerit per se vel per alium quemlibet ad festum Natalis Domini proxima ventura in antea et eciam ante ipsum festum Natalis. Si aliquid ipsorum molandinorum contingeret expeditum esse ante dictum festum ab aliis qui nunc illud vel illa tenent pro pignore a dicto comuni, [si]licet ab Mayfredo de Marentino et ab illo de Secuxia et post dictum festum precisse[2] et sine nullo tenore predicta possessione accipere possit sua acturitate ut supradictum est, sine requisicione sive licencia alicuius domini vel iudicis seu magistratus non ostante contradicione dicti comunis vel predictorum sindicorum et consilialiorum vel alicuius persone pro eis; et inde dederunt et concesserunt, nominibus quibus supra, eidem Wilelmino Vigono plenam licenciam et liberam facultatem tali modo quod ipse Willelminus per se et per alios quoscumque voluerit, habeat et percipiat et habere et percipere possit infra solucionem predicti debiti et debita omnes proventus et redditus et godias predictorum molandinorum quocumque nomine dici posset quo usque sibi fuerit de toto predicto debito integre satisfactum et de omnibus dapnis et expensis et interesse que et quas pro inde sustinere vel parte hiis additis et conventis expressim inter predictos sindicos et consiliarios, nominibus quibus supra ex una parte et dictum Willelminum ex altera, quod massarii qui nunc est sive pro tempore fuerit in dictis molandinis iuret et dictum comunem eos iurare faciat dicto Wilelmino dare et consignare ei et eius certis nunciis omnes predictos redditus et godias molandinorum, nichil ex eis deminuere nisi pro expensis necessariis dictorum molandinorum et reddere racionem de predictis omnibus dicto Wilelmino et eius certis nunciis de XV in XV diebus et ultra ipsos XV dies quando placuerit ipso Wilelmino. Et hoc eciam iuravit ibidem et incontinenti facere et observare Iacobus Zandela nunc massarius dictorum molandinorum precepto et voluntate supradictorum consiliariorum et sindicorum. Item quod semper liceat predicto Wilelmino et cuilibet eius nuncio accipere et exth(r)ayere et ducere sive duci facere granum et bladum et omnem alium redditum seu proventum dictorum molandinorum de loco et poderio Montis Calerii ad eius liberram (sic) voluntatem non ostante aliquo statuto sive deveto facto vel quod fieri posset ullo modo in Monte Calerio vel districtu sive per homines vel comunem Montis Calerii. Item quod Willelminus predictus et quilibet eius nuncii ipse possint et senper eis liceat libere et sincere stare, yre et reddire in loco et poderio Montis Calerii et in molandinis predictis ad eius plenaliam voluntatem pro coligendis et percipiendis, ducendis, exth(r)ayendis grano et blado et omnibus aliis redditibus et proventibus molandinorum supradictorum, non ostante aliqua discordia seu guerra que erat vel esse posset inter comunem et homines Montis Calerii vel eorum dominos et comunem et homines Carii et non ostante aliquo contracanbio dato seu concesso aliqui vel aliquibus hominibus Montis Calerii vel quod de cetero dari seu concedi posset ullo modo vel ullo tempore vel ulla occasione et non ostante similiter aliqua pressalia vel robaria sive iniuria facta vel que de cetero fieri posset inter homines Cariii et homines Montis Calerii, comuniter vel divissim. Ita silicet quod dictus Wilelminus vel aliquis eius nuncius sive aliquid de supradictis redditus et proventibus non possit nec debeat saxiri, detineri vel impediri in loco vel in poderio Montis Calerii nec eundo vel reddeundo pro redditibus supradictis aliqua predictarum occasionum nec aliqua alia de causa. Item quod dictum comunem vel homines Montis Calerii communiter vel divissim non inpediant nec deminuant nec inpediri seu deminuy ullo modo paciantur sive permitant ab aliqua persona vel universitate ullo modo vel ulla causa eidem Wilelmino vel eius nunciis molandina predicta sive redditus vel proventus ipsorum molandinorum nec aliquid ex ipsis; ymo pocius dictum comunem et homines Montis Calerii manuteneant et conservent ipsum et eius nuncios de facto et de iure in libera et quieta possessione et quasi possesione predictorum molandinorum et reddituum sive proventuum eorumdem quo usque sibi fuerit de omnibus supradictis integre satisfactum; hoc insuper salvo et addito in predictis quod si redditus sive proventus dictorum molandinorum in toto vel parte aliqua evincerentur vel auferentur sive impedirentur eodem Wilelmino vel eius nunciis de facto vel de iure per aliquam personam vel universitate aliquo modo vel aliqua occasione ante completam solucionem tocius debiti supradicti et dapnorum et expensarum et interesse que et quas occasione ipsius inpedimenti vel evicionis predictorum reddituum et proventuum sustinuisset sive fecisset, tunc omne ius ipsius Wilelmini sit ei salvum et integrum in debito supradicto silicet in ea parte illa debiti de qua non habuisset solucione in predictis redditibus et proventibus et totum illud quod deficere sive restare ad solvendum de predictis teneatur et debeat dictum comune et sindici et consiliarii supradicti eidem Wilelmino integre solvere et precisse[3] sine ullo tenore seu condicione ad voluntatem ipsam Wilelmini. Que omnia et singula suprascripta promiserunt dicti sindici et consiliarii, eorum propriis nominibus et nomine et vice dicti comunis Montis Calerii, quilibet in solidum renunciantes omni iuri quo se tueri possent ut supra eidem Wilelmino stipulanti pro se et sucesoribus suis atendere et inviolabiliter observare et non contravenire nec contrafacere in aliquo de predictis ullo modo nec ulla occasione, sub pena C librarum bonorum denariorum viannensium; quam penam promiserunt dicti sindici et consiliarii, nominibus quo supra, ipsi Wilelmino stipulanti pro se et eius heredibus dare et solvere quociens contrafacerent seu contravenirent in aliquid de predictis et quociens non atenderent sive non observarent integre, sicut predictum est in singulis capitulis supradictis et insuper restituere integraliter eidem Wilelmino omnia dapna, expensas et interesse que et quas faceret, incurreret vel sustineret, tam pro petendo debitum supradictum et penam predictam quociens comitetur quam pro defendendis molendinis et redditis sive proventis supradictis contra quamlibet personam vel universitatem, et racto manente pacto et ractis et firmis nichilhominus permanentibus convencionibus suprascriptis, renunciantes exprexim et ex certa sciencia omnes predicti sindici et consiliarii, nominibus quibus supra, omni iuri quo se tueri possent ut supra generali et especiali. Et hec omnia, ut suprascripta sunt, atendere et observare et non contravenire in aliquo de predictis ullo modo, iuravit corporaliter in dicta credencia ad sancta Dei evangelia Henricus nuncius predicti comunis Montis Calerii, precepto et voluntate et nomine predictorum sindicorum et consiliariorum, et super animabus ipsorum pro predictis quoque omnibus et singulis atendendis et observandis, solvendis et faciendis et especialiter pro pena supradicta habenda et exigenda, obligaverunt supradicti sindici et consiliarii omnes et quilibet in solidum, nominibus quibus supra, et renunciando omni iuri ut supra, eidem Wilelmino omnia eorum bona et bona dicti comunis, mobilia et inmobilia, presencia et futura, dantes eciam et concedentes expressim et ex certa sciencia ipsi Wilelmino pro se et heredibus [ad] plenam licenciam et liberam facultatem accipiendi, saxiendi, detinendi sua propria acturitate[4] per se et per coaiutores suos de predictis bonis tam dicti comunis quam hominum singulorum supradictorum Montis Calerii ubicumque [...] invenerit sine licencia alicuius domini vel iudicis sive magistratus licite et inpune; si ea que suprascripta sunt ei non fuerint observata et sucessoribus eius sive fuerit in aliquod contrafactum et si dicta pena comissa fuerit [usque] ad plenam et integram satisfacionem et restitucionem omnium supradictorum debiti et pene, dapnorum et expensarum et interesse ad voluntatem ipsius Wilelmini et sucessorum suorum.

Interfuerunt testes vocati et rogati frater Aguzonus, prepositus ordinis Humiliatorum Montis Calerii, et frater Iacobus de Salino de dicto ordine et Oddonetus de Cruze de Cario et Herro Merlus.

Ego Berardus Dodelius notarius interfui rogatus in dicta credencia et hanc cartam scripsi et presenti instrumentum debet fieri et refici ad consilium unius sapientis vel plurium.