Essendo il Comune di Moncalieri tenuto a dare a Manfredo e Fidenzo Marentino lire viennesi (...)

Serie Generale 286 - Trascrizione a cura di Chiara Pilocane e Chiara Quaranta

 

(ST) Anno Domini millesimo ducentesimo LXX, indicione XIII, in Monte Calerio, die sabati XVII in madio. Cum comune Montis Calerii dare tenebatur ex causa mutui Mainfredo de Marentino et Fidencio de eodem loco, nomine suo et consorcium eorum, librarum XXXVIIII viannensium sicut consciliarii omnes Montis Calerii ad campanam more solito congregati coram domino Iohanne de Alavardo iudice dicti loci, confitebantur et asserebant, presente domino Mainfredo, omnes predicti consciliarii seu credenciarii, quorum nomina inferius scripta sunt, in conscilio ut dictum est more solito congregato, promiserunt per stipulacionem quilibet eorum in solidum sub obligacione omnium bonorum suorum, et omnium dapni, expensarum et interesse restitucione, se dacturos et soluturos ex dicta causa mutui predicto Mainfredo vel eius heredibus vel ipsius mandato librarum XXXVIIII viannensium, renunciando exceptioni non numerate et non recepte pecunie et legi dicenti quod ne quis ex reis in solidum prius conveniatur, donec alter sit presens et solvendo et omni doli et in factum et sine causa accioni, condicioni et exceptioni et generaliter omni legum et iuris scripti vel consuetudinarii auxilio, quo mediante contravenire possent vel sibi competenti contra predicta vel aliquod de predictis, et ad solucionem dicte pecunie faciendam, nomine dicti comunis, omnes predicti consciliarii concesserunt predicto Mainfredo et ordinaverunt redictus et ovenciones quas habet dictum comune in molendinis Montis Calerii precipientes massario ipsorum Iacobo Zandela, quod de dictis redictibus dicto Maynfredo respondeat et ipsos sibi solvat et faciat conputum sive racionem usque ad plenam satisfacionem de debito superius nominato, salvo tamen quod dictus massarius prius solvat Palmerio, Iusto de Secuxia et Manoello de Cabureto et Petro Castaneo et fratribus minoris de Monte Calerio pecunie qua(n)titates sibi a dicto comuni debitas et promissas, que omnia supradicta predictus Iacobus Zandela massarius predicto Mainfrado, nomine quo supra, recipienti facere et complere bona fide promisit, non obstante aliquo capitulo vel ordinamento facto vel faciendo ad sancta Dey evangelia corporaliter prestito iuramento. Et si fore quod absit predicti consciliarii seu massarius vel aliquis predictorum aliqua fraude vel ingenio defecerint in predictis vel contrafecerint in aliqua predictorum, promiserit per stipulacionem et sub obligacione predicta se credere simplici verbo dicti Maynfredi vel eius heredis, sine testibus et sacramento et alio onere, probaciones de omnibus dapno, mutuo et expensis et interesse, quas et quod idem Mainfredus vel alius pro eo faceret vel substineret pro dicta pecunia non soluta exigenda vel recuperanda; et universa et scingula suprascripta Bertolotus et Piro, ad instanciam et mandatum omnium predictorum consciliariorum, ad sancta Dey evangelia iuravit quod atendatur et observatur in animas eorundem et omnes predicti mihi notario infrascripto preceperunt presens instrumentum meliorare et augere conscilio sapientium, salva quantitate pecunie et rey substancia quandocumque dicto Maynfredo placuerit et de hoc fuere requisitus. Nomina credendariorum sunt hec: primo Iordanus Platus, dominus Iorgius de Solario, Iacobus Platus, Iacobus de Merlo, Ardicio de Peracio, Petrus Castaneus, Petrus de Conrado, Micheles de Paonoto, Robaldinus Clinintus, Brigna de Romano, Garoninus de Romano, Rafinus Clinintus, Manoellus de Caboreto, Ubertus Marcus, Iacobus Marcus, Anthonius Bergognonus, Villelmus Marcus, Iacobus Capriolatus, Albrionus Marcus, Villelmus Mayalis, Villelmus Cazius, Henricus Marcus, Villelmus Calvus, Henricus de Calpice, Rodulfus Papalardus, Villelmus Castaneus, Iordanus Mayalis, Iacobus Vayrolius, Iordanus Piperarius, Brunus Ponzillonus, Bertolinus Romagnanus, Iacobus Vasconus, Iohannes Ponzillonus, Iohannes Saxus, Petrus Brayninzus, Iohannes Truna, Bertolotus de Piro, Ardicio de Boryo, Catanius Vayrolius, Villelmus de Ramacio, Ubertus Falavisca, Minacius de Castello, Matheus Lafrancus, Aprilis Longus, Maynfredus Truna, Iacobus Zandela, Anthonius de Gura, Turinus Borellus, dominus marchisius, Iohannes Piperarius, Melanus Ducus, Iohannes Engana, Melanus Ducus, Bertolinus de Episcopo.

Testes ibi fuerunt vocati et rogati Gonterius de Coyna, Stephanus de Archinbodo nuncius comunis, Henricus de Travanasa nuncius comunis.

Et ego Iacobus Vayrolius notarius sacri pallacii interfui rogatus et hanc cartam scripsi.