In Ciriè, il marchese Guglielmo VII di Monferrato, dopo essersi ripetutamente lagnato per (...)

Serie Generale 283 - Trascrizione a cura di Chiara Pilocane e Chiara Quaranta

 

(ST) Anno Domini millesimo CCLXVIIII, indicione XII, die sabati XXVIII mensis septembri, presentibus testibus infrascriptis. Cum dominus Guillelmus marchio Montisferrati sicut aserebat sepius admonendo rogaverit per suas literas comune et homines Montis Calerii quod duas boves ablatos Oddono de Romana habitante in Ciriaco, fideli homino suo, per homines Montis Calerii seu per reducentes se in Montem Calerium indebite sine causa tempore quo homines astenses ducabantur in Monte Calerio restituerent eidem Oddoni fideli suo et ipsos boves restituere noluerint. Ideoque dictus dominus marchio nolens neque debens dicto fideli suo deficere in iure suo, facta sibi plena fide per dictum Oddonem quod dicti boves valebant libras septem denariorum viannensium, salvo plures et quod usque in ipsam quantitatem dapnificatus est. Inde dictus Oddonus concessit eidem Oddoni plenam et liberam licentiam (in)tegritatem et facultatem capiendi et detinendi et capi et detineri faciendi ubicumque et quecumque melius poterit et voluerit de rebus et here (sic) hominum quorumcumque de Monte Calerio usque ad integram satisfationem quantitatis pecunie supradicte et dapnorum et expensarum factorum et factarum et faciendorum et faciendarum occassione predicta per dictum Oddonum. Et inde dictus dominus marchionus presens instrumentum fieri iussit. Actum in burgo Ciriaci ubi testes interfuerunt dominus Fredericus et Pengonibus iudex et Nicholinus de Grafagno. Et ego Manfredus Macarius sacri palaci publicus notarius interfui et hanc cartam feci et scripsi.