Quitanza di lire viennesi 149 rilasciata dai figli di Giacomo Vigono a favore del Comune (...)

Serie Generale 282 - Trascrizione a cura di Chiara Pilocane e Chiara Quaranta

 

(ST) Anno Domini millesimo CCLXVIIII, indicione XII^a, in Monte Calerio, die veneris XXVIII intrante iunio. Wilelminus filius quondam Iacobi Vigoni de Cario, suo nomine et Uberteti nepotis sui, fuit confessus se habuisse et recepisse tam ipse Wilelminus quam Vietus Erro et Iacobus fratres dicti Wilelmini nomine ipsius Wilelmini recipientibus a Petro Castagno et Hunrico de Valfredo et fratre Otone et Bertolino de Episcopo et Iacobo Gandeyla masariis molandinorum Montis Calerii, dictis massariis dantibus solventibus et numerantibus nomine et vice comunis Montis Calerii libras CXLVIIII, solidos II, denarios VIIII bonorum viannensium videlicet pro debito quod comune Montis Calerii eidem Wilelmino seu fratri suo Iacobo seu ipsis Wilelmini et Iacobo dare debebat. Pro quo quidem debito dicti Wilelminus et Iacobus habebant vel habent molandina Montis Calerii in pignore a comuni Montis Calerii de qua soluciione supradicta sunt plura instrumenta minutim facta per plures notarios Montis Calerii, quam solucionem recepit dictus Wilelminus nomine iamdicto usque ad diem hodiernum, renunciando exceptione non recepte et non numerate pecunie et spey future numerationis et receptionis, promitendo per stipulacionem dictus Wilelminum michi notario infrascripto nomine dicti comunis recipienti quod se tenebit et permanebit tam per se quam per Ubertetum nepotem suum in perpetuum usque in quantitatem superius nominatam quietum, tacitum et contentum. Et si contingeret quod comune Montis Calerii aliquo tempore appellaretur vel ingeraretur predictum Iacobum fratrem dicti Wilelmini vel dictum Ubertetum nepotem ipsius Wilelmini de quantitate superius nominata restituere eidem comuni Montis Calerii et cuilibet singulari persone dicti comunis omne mutuum, dampna, expensas et interesse que et quas dictum comune vel aliqua singularis persona dicti comunis faceret vel pateretur pro quantitate pecunie superius nominate si a predictis Iacobo et Uberteto vel ab aliquo predictorum seu ab ipso Wilelmino appellaretur vel ingetaretur sub obligo omnium bonorum ipsius Wilelmini pignori, ita quod ubique queri posint, faciendo insuper dictus Wilelminus suo nomine et dicto mihi notario infrascripto nomine dicti comunis recipienti usque in quantitatem superius nominatam pacem et finem, remissionem et refutacionem et omni modam ab solucionem et pactum de non ulterius petendo seu regrendo per se suos heredes aliquo modo vel iure in perpetuum promitendo dictus Wilelminus nomine iamdicto mihi notario infrascripto dicto nomine recipienti et per stipulacionem, dictam remissionem pacem et finem et refutacionem seu absolucionem non infringere in perpetuum dicto nomine ratam et firmam tenere et non contravenire aliquo modo vel iure sub obligo omnium bonorum suorum pignori et dampnorum et expensarum et interesse restitucionem, confitendo dictus Wilelminus insuper et protestando quod eidem Wilelmino et nepoti suo Uberteto venit in parte debitum quod comune Montis Calerii filiis quondam Iacobi Vigoni dare debet; pro quo debito dicti Iacobus et Wilelminus filii quondam dictis Iacobi Vigoni habunt in pignore a comuni Montis Calerii supra dicta molendina.

Testes ibi fuerunt vocati et rogati dominus Nicholaus de Sartoribus iudex et Iacobus Vayrolus et Matheus Lafrancus. Ego Iacobus de Rocolis sacri palacii notarius interfui et hanc cartam rogatus scripssi.